ភ្នំពេញ៖ កម្លាំងនគរបាលប៉ុស្តិ៍ទឹកល្អក់២ បានឃាត់ខ្លួនជនសង្ស័យម្នាក់បន្ទាប់ពីជនរងគ្រោះនិងមិត្តភ័ក្រ្ត តាមចាប់ខ្លួនបានរួចប្រគល់ជូនសមត្ថកិច្ច ដោយសារតែពាក់ព័ន្ធករណីលួចម៉ូតូកាលពី១ខែកន្លងទៅនេះ ។

ករណីឃាត់ខ្លួនជនសង្ស័យខាងលេីនេះ បានកើតឡើងកាលពីវេលាម៉ោង០១និង៤៥នាទីរសៀលនាថ្ងៃទី១៦ ខែតុលា ឆ្នាំ២០១៥ ស្ថិតនៅចំណុចមុខផ្ទះលេខ១៥៨ ផ្លូវលេខ១៥៦ សង្កាត់ទឹកល្អក់ទី២ ខណ្ឌទួលគោក ។

ជនសង្ស័យឈ្មោះ ថន រិទ្ធិ ភេទប្រុស អាយុ២៦ឆ្នាំ ស្នាក់នៅផ្ទះលេខ១០D ផ្លូវ លំ ភូមិដំណាក់ធំ២ សង្កាត់ស្ទឹងមានជ័យ ខណ្ឌមានជ័យ និងមុខរបរ មិនពិតប្រាកដ។ ចំណែកជនរងគ្រោះ មានឈ្មោះ ឃឹម សុផានី ភេទស្រី អាយុ២០ឆ្នាំ ស្នាក់នៅផ្ទះលេខ១២១c ផ្លូវលេខ៣៦ សង្កាត់ទឹកថ្លា ខណ្ឌសែនសុខ មុខរបរបុគ្គលិកក្រុមហ៊ុនទេសចរណ៍ ។

តាមប្រភពពីនារីគ្រោះ បានប្រាប់ឲ្យដឹងថា នៅមុខពេលឃាត់ខ្លួន ជនសង្ស័យនេះ គឺនារីបានជិះម៉ូតូជាមួយមិត្តភ័ក្រ នៅម្ដុំផ្សារដេប៉ូ ក៏បានប្រទះឃើញ ជនសង្ស័យកំពុងតែដើរ ពេលនោះនារីរងគ្រោះបានទូរស័ព្ទទៅមិត្តភ័ក្រ្តមកជួយតាម ខណៈនោះផងដែរ ជនសង្ស័យបានហៅម៉ូតូឌុបជិះ តែនារីរងគ្រោះនិងមិត្តភ័ក្រ្តបានជិះម៉ូតូតាមរហូតដល់មុខ ប៉ុស្តិ៍រដ្ឋាបាលទឹកល្អក់២ ចុះ មកស្ទាក់មុខម៉ូតូឌុបរួច ប្រគល់ជូនសមត្ថកិច្ចតែម្ដង ។

នារីរងគ្រោះបានបន្តអោយដឹងទៀតថា កាលពីថ្ងៃទី១៥ ខែកញ្ញា ឆ្នាំ២០១៥ កន្លងមក នារីរងគ្រោះបានចតម៉ូតូរបស់ខ្លួន១គ្រឿងម៉ាកហុងដាសេ១១០ (សង់ប៊ិច) ពណ៌ក្រហម ពាក់ស្លាកលេខភ្នំពេញ១CA-៨៧៩១ នៅកន្លែងធើ្វការដូចធម្មតា ពេលនោះ ស្រាប់តែជនសង្ស័យបានមកក្រុមហ៊ុន ទេសចរណ៍ ដែលនារីរងគ្រោះធ្វើការនោះ ហេីយធ្វេីដូចភ្ញៀវមកសួរព័ត៌មាន បន្ទាប់មក ជនសង្ស័យបានដើរចេញ ពីក្រុមហ៊ុន រួចជនរងគ្រោះ ក៏បានដើរទៅចូលបន្ទុបទឹក១ភ្លាម ចេញមកវិញក៏បាត់ម៉ូតូតែម្ដង ។

នារីរងគ្រោះបានបញ្ជាក់ទៀតថា ដោយនៅក្រុមហ៊ុនមានcamera សុវត្ថិភាព ដូច្នះ ក្រុមការងារ ក្នុងក្រុមហ៊ុន បានបើកcamera មើល ឃើញថាជនសង្ស័យខាងជាអ្នកលួចពិតប្រាកដមែន ។

ក្រោយពេលឃាត់ខ្លួនជនសង្ស័យបានសារភាពថា រូបខ្លួនពិតជាបានលួចម៉ូតូ របស់ជនរងគ្រោះពិតប្រាកដមែន តែម៉ូតូនោះរូបគេបានយកទៅបញ្ចាំបាត់ហើយ ក្នុងតំម្លៃ៣០០ដុល្លារ ។

បច្ចុប្បន្នជនសង្ស័យត្រូវបានឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌទួលគោកដើម្បីសួរនាំនិងកសាងសំណុំរឿង ចាត់ការតាមច្បាប់ ៕

ដោយ៖ ស ដារ៉ា