ខេត្តត្បូងឃ្មុំ៖ កម្លាំងនាយកដ្ឋានសន្តិសុខផ្ទៃក្នុង នៃអគ្គស្នងការដ្ឋាននគរបាលជាតិ សហការជាមួយកំលាំងនគរបាលផែនសន្តិសុខស្នងការខេត្តត្បូង ដឹកនាំដោយលោកព្រះរាជអាជ្ញា អមអយ្យការសាលាខេត្តត្បូងឃ្មុំ បានចុះត្រួតពិនិត្យទីតាំងប្រកបអាជីវកម្មមួយចំនួនដែលមានជនជាតិចិនស្នាក់នៅ និងសង្ស័យធ្វើអាជីវកម្មតាមប្រព័ន្ធអ៊ីនធើណេត ជំរិតទាប្រាក់ទៅបរទេស ។
ហើយប្រតិបត្តការនេះដែរធ្វើឡើងនៅវេលាល្ងាចថ្ងៃទី១៦ ខែតុលា ឆ្នាំ២០១៥ ក្នុងភូមិ-ឃុំត្រពាំងផ្លុង ស្រុកពញាក្រែក ខេត្តត្បូងឃ្មុំ ។
ស្នងការនគរបាលខេត្តត្បូងឃ្មុំ លោកឧត្តមសេនីយ៍ ម៉ៅ ពៅ បានបញ្ជាក់ឲដឹងថា ជាលទ្ធផលសម្រាប់ការ ត្រួតពិនិត្យ កាលពីល្ងាចថ្ងៃទី១៦ នៅកាស៊ីណូហេងហេង កម្លាំងនគរបាលជំនាញបានចូលត្រួតពិនិត្យ បន្ទប់ស្នាក់នៅរបស់ជនជាតិចិនចំនួន២៣បន្ទប់ រកឃើញមនុស្ស ៧០នាក់ ស្រី០៧នាក់ ហើយរកពុំឃើញមានពាក់ព័ន្ធបទល្មើសទេ និងភោជនីយដ្ឋាន១៦៨ មុខផែស្ងួតឧកញា លីម ប៊ុណ្ណា រកឃើញមនុស្ស៧២នាក់ ស្រី១៩នាក់ រកពុំឃើញមានបទល្មើសដូចគ្នា ចំពោះបន្ទប់ស្នាក់នៅចំនួន៣០បន្ទប់ និងទីតាំងដ៏ទៃទៀត សម្មត្ថកិច្ចជំនាញកំពុងឆេកឆេរនៅព្រឹកនេះ ហើយលទ្ធផលយ៉ាងណានោះលោកនិងជំរាបនៅពេលក្រោយបន្ទាប់ពីប្រតិបត្តការត្រូវបានបញ្ចប់ ៕
ដោយ៖ វណ្ណះ
