ខេត្ដបន្ទាយមានជ័យ៖ សមត្ថកិច្ច នគរបាលស្រុកមង្គលបុរីបានចុះបង្ក្រាប ករណីជួញដូរនិងប្រើប្រាស់គ្រឿងញៀនឃាត់ខ្លួនជនសង្ស័យ៣នាក់រឹបអូសបាន ថ្នាំញៀនជាង១០០គ្រាប់និងសម្ភារមួយចំនួន ។
លោកវរសេនិយ៍ទោស៊ីឌី អធិការ ស្រុកមង្គលបុរីបានប្រាប់ឱ្យដឹងថា នៅវេលា ម៉ោង៤រសៀលថ្ងៃទី១៧ ខែតុលា ឆ្នាំ ២០១៥ លោកបានដឹកនាំកម្លាំងនគរ បាលចុះស្ទាក់ចាប់នៅចំណុចខាងជើង ភូមិគោកបល្ល័ង្ក ឃុំគោកបល្ល័ង្ក ស្រុក មង្គលបុរី ខេត្ដបន្ទាយមានជ័យ ឈាន ទៅឃាត់ខ្លួនមុខសញ្ញាប្រើប្រាស់ថ្នាំញៀន ម្នាក់ឈ្មោះភូ វ័ន្ដ ភេទប្រុស អាយុ១៥ឆ្នាំ រស់នៅភូមិប្រឡាយជ្រៃ ឃុំគោកបល្ល័ង្ក ដកហូតសារធាតុញៀនប្រភេទគ្រាប់ចំនួន ២គ្រាប់ ។
លោកអធិការបន្ដឱ្យដឹងទៀតថា ឆ្លង តាមចម្លើយជនសង្ស័យឈ្មោះភូ វ័ន្ដ នៅ ម៉ោង៥និង៥០នាទីព្រលប់ថ្ងៃទី១៧ ខែ តុលា ឆ្នាំ២០១៥ នៅចំណុចវាលស្រែ ខាងត្បូង ភូមិចុងគោក ឃុំតាឡំ កម្លាំង បានស្ទាក់ចាប់មុខសញ្ញាជួញដូរថ្នាំញៀនម្នាក់ទៀតឈ្មោះអ៊ុន ថន ភេទប្រុស អាយុ២៨ឆ្នាំ រស់នៅភូមិឃុំខាងលើ ដក ហូតថ្នាំញៀនប្រភេទគ្រាប់ពណ៌ផ្កាឈូកចំនួន៨គ្រាប់,ទូរស័ព្ទដៃ២គ្រឿងនិងម៉ូតូស៊ុយហ្ស៊ុយស្មាស់១គ្រឿង ។
តាមចម្លើយសារភាពពីឈ្មោះអ៊ុន ថន នៅថ្ងៃទី១៨ ខែតុលា ឆ្នាំ២០១៥ ម៉ោង១១និង៣០ព្រឹកនៅចំណុចផ្លូវចូលវត្ដព្រះស្រែ ឃុំតាឡំកម្លាំងបានចុះចាប់ មុខសញ្ញាជួញដូរសារធាតុញៀនបន្ថែម ម្នាក់ទៀតឈ្មោះម៉ុយ សាវ៉េត ភេទប្រុស អាយុ៣០ឆ្នាំ មានមុខរបររត់តាក់ស៊ី រស់នៅភូមិព្រហូត សង្កាត់អូរអំបិល ក្រុង សិរីសោភ័ណ ដកហូតថ្នាំញៀនប្រភេទ គ្រាប់ពណ៌ផ្កាឈូកចំនួន១០០គ្រាប់,រថ យន្ដកាមរីចង្កូតស្ដាំពណ៌ខ្មៅមួយគ្រឿង និងប្រាក់ខ្មែរចំនួន២ម៉ឺនរៀល ។
លោកអធិការបន្ដឱ្យដឹងទៀតថា ជន សង្ស័យទាំង៣នាក់ខាងលើសមត្ថកិច្ច បានកសាងសំណុំរឿងបញ្ជូនទៅកាន់ សាលាដំបូងខេត្ដដើម្បីចាត់ការតាមផ្លូវច្បាប់ ៕
ដោយ៖ វណ្ណា
