ខេត្តកណ្តាល ៖ គ្រាប់ប្រភេទកាំភ្លើងយន្តចំនួន៣កេះ ត្រូវបានអ្នកបើកគ្រឿងចក្រ ឈូស ឆាយដីប្រទះឃើញ កាលពីវេលាម៉ោង១០ព្រឹក ថ្ងៃទី២៤ ខែវិច្ឆិកា ឆ្នាំ២០១៧ នៅចំណុច​បរិវេណវត្តស្រែអំពិល ស្ថិតក្នុងឃុំឈើទាល ស្រុកកៀនស្វាយ ខេត្តកណ្ដាល ។

 ក្រោយប្រទះឃើញគ្រាប់ទាំងនេះ អាជ្ញាធរសមត្ថកិច្ចបានចុះមកពិនិត្យ និងយកទៅរក្សា ទុក​នៅប៉ុស្តិ៍នគរបាលឈើទាល ដើម្បីប្រគល់ឲ្យផ្នែកជំនាញស្រុកបន្តទៀត។

សមត្ថកិច្ចសន្និដ្ឋានថា គ្រាប់កប់ក្នុងដីទាំងនេះគឺបន្សល់ទុកពីសម័យសង្រ្គាម កាលពី កំឡុងក្នុងឆ្នាំ១៩៧៣​ ដោយសំបកកេះនិងគ្រាប់មានសភាពច្រេះស៊ី ខូចគុណភាពហើយ ៕ ស្អាងជ័យ