ភ្នំពេញ ៖ មនុស្ស៥នាក់ជិះរថយន្តមួយគ្រឿង ម្នាក់បានស្លាប់នៅជាប់នឹងកាប៊ីន និង៤នាក់ទៀតរងរបួសធ្ងន់ ខណៈបើកបុករថយន្តកុងតឺន័រអែបខាងពីក្រោយ ក្នុងទិសដៅស្របគ្នា កាលពីវេលាម៉ោង៨និង១៥នាទី យប់ថ្ងៃទី២៥ ខែវិច្ឆិកា ឆ្នាំ២០១៧ នៅលើផ្លូវជាតិលេខ២ ស្ថិតក្នុងភូមិក្រាំងស្វាយ សង្កាត់ព្រែកកំពឹស ខណ្ឌដង្កោ រាជធានីភ្នំពេញ ។
នៅកន្លែងកើតហេតុគេឃើញអ្នកបើករថយន្តម៉ាកឡិចស៊ីបានស្លាប់គៀបជាប់នឹងកាប៊ិនរថយន្ត និងអ្នករួមដំណើរ ៤នាក់ទៀត ដែលរងរបួសធ្ងន់ ត្រូវបានដឹកយកទៅសង្គ្រោះនៅមន្ទីរពេទ្យ។
ក្រោយកើតហេតុភ្លាម អ្នកបើករថយន្តកុងតឺន័បានបើកទ្វារបម្រុងរត់គេច តែត្រូវប្រជាពលរដ្ឋឃាត់បានប្រគល់អោយសមត្ថកិច្ច ចាត់ការតាមច្បាប់ ៕ ភារ៉ា
...
