ព័ត៌មានបាន​បន្តទៀតថា សម្រាប់នៅក្នុង​សង្កាត់ Can Gio ទីក្រុងហូជីមិញ​តែឯងប៉ុណ្ណោះ ប្រជាជន​សរុបជាង ៥,០០០នាក់ ត្រូវបានអាជ្ញាធរជម្លៀសចេញ ខណៈដែល​ខេត្ត Bav Lieu មនុស្សរហូត​ដល់ទៅ ៣៦៦,០០០នាក់ ត្រូវបានជម្លៀស។ បន្ថែមពីនេះ​ខេត្ត Ba Ria Vung Tau, Ca Mau, Soc Trang និង Hau Giang នៅភាគខាងត្បូង សរុបចូលគ្នា​មានប្រជាជន​ជិត ១លាននាក់ ត្រូវបានជម្លៀស​ទៅរកទីតាំងមាន​សុវត្ថិភាព ដើម្បីជ្រកកោណ​ប​ណ្តោះអាសន្ន។

គួរបញ្ជាក់ថា កាលពីព្យុះទីហ្វុង Linda វាយប្រហារប្រទេស​វៀតណាម កាលពីអំឡុង​ឆ្នាំ១៩៩៧ បានបណ្តាលឲ្យ​មនុស្សរហូត​ដល់ ៣,០០០នាក់​ស្លាប់ និងបាត់ខ្លួន ដែលបទពិសោធន៍​​ដ៏ឈឺចាប់​បំផុតនេះ ប្រទេសវៀតណាម​មិនអាចឲ្យកើតមានម្តង​ទៀតឡើយ។ នៅឆ្នាំ២០១៧នេះ ព្យុះកំណាចសរុប ១៥ បាន​វាយប្រហារវៀតណាម ដោយបានផ្តាច់ជីវិត​មនុស្ស ៣៨៦នាក់ និងខូចខាតសេដ្ឋកិច្ច ២.៦ពាន់លានដុល្លារ៕