ភ្នំពេញៈ ក្រុមអាជីវករប្រមាណ២០៤នាក់ មានតូបលក់ដូរនៅក្នុងផ្សារពិភពថ្មី កំបូល ផ្ទុះការតវ៉ាទាមទារ ឲ្យថៅកែផ្សារ បញ្ចុះតម្លៃឈ្នួលតូបបន្ទាប់ពីកាលក់ដូមិនសូវដាច់។

កាផ្ទុះតាវ៉ានេះបានកើតឡើង កាលពីព្រឹក អង្គារ ខែបុស្ស ឆ្នាំរកា នព្វស័ក ពស២៥៦១ ត្រូវនិងថ្ងៃទី២៧ ខែធ្នូ ឆ្នាំ2017នេះ នៅមុខផ្សារពីភពថ្មី កំបូល  ផ្លូវជាតិលេខ៤ ភូមិត្រពាំងគល់ សង្កាត់កន្ទោក ខណ្ឌពោធិ៍សែនជ័យ រាជធានីភ្នំពេញ។

ក្រុមអាជីវករ​ទាំងអស់ស្នើសុំដល់ម្ចាស់ក្រុមហ៊ុន ក្នុងលក្ខខណ្ឌចំនួន៣ចំណុច ដូចខាងក្រោមះ

ទី១ ស្នើសុំបង់ត្រឹម៤០ភាគរយ ក្នុងអាណត្តិចាស់(៦ខែ) ។

ទី២ ស្នើសុំបង់៥០ភាគរយ ក្នុងរយៈពេល៤ឆ្នាំបន្តទៅមុខ ។

ទី៣ ប្រាក់កក់ដំបូង មានសុពលភាពរហូត ។

សូមបញ្ជាក់ថា ក្នុងកិច្ចសន្យា ដំណាក់កាលដំបូងក្នុងរយៈពេល៦ខែ ក្រុមហ៊ុនមិនឲ្យបង់លុយឡើយ តែដល់ដំណាក់កាលទី២ ក្នុងកុងត្រាចាស់ ក្រុមហ៊ុនតម្រូវឲ្យបង់លុយ ៦០ភាគរយ ជាតម្លៃមួយធ្វើឲ្យអាជីវករមានការតវ៉ាតែម្តង ព្រោះលក់អត់ដាច់ គ្មានអតិថិជនចូលទិញ ទើបអាជីវករប្រមូលផ្តុំគ្នាតវ៉ាទាមទារឲ្យថៅកែ ម្ចាស់ក្រុមហ៊ុនបញ្ចុះតម្លៃឲ្យពួកគាត់សិន រងចាំ មានអតិថិជនចេញចូល ទិញទំនិញ ពេញផ្សារ ចាំគិតតម្លៃពេញទៅចុះ ។

ទោះយ៉ាងណាក្តី បងប្អូនអាជីវករ ទាំងអស់ក្នុងផ្សារពិភពថ្មី បានត្រឹមបិទទ្វារតូប មកប្រមូលផ្តុំគ្នាតវ៉ា នឹងទទូចស្នើរសុំ ក្តីមេត្តានិងយោគយល់ ពីម្ចាស់ក្រុមហ៊ុន តែប៉ុណ្ណោះ៕សុខាសែនជ័យ