យ៉ាងហោចណាស់មានមនុស្ស៣៣នាក់ស្លាប់ និងជាង៧០នាក់រងរបួសនៅក្នុងគ្រោះអគ្គិភ័យឆេះមន្ទីពេទ្យនៅតំបន់ Miryang កូរ៉េខាងត្បូង។
ប្រធានាធិបតីកូរ៉េខាងត្បូង លោក ម៉ូន ជេ អីននៅថ្ងៃទី២៦ ខែមករានេះ បានកោះប្រជុំ ជាបន្ទាន់ ដោយមានការចូលរួមពីមន្ត្រីជាន់ខ្ពស់ ព្រមទាំអភិបាលក្រុងសេអូល ដើម្បីពិភាក្សា លើគ្រោះអគ្គីភ័យឆាប់ឆេះមន្ទីពេទ្យជាទ្រងទ្រាយធំ បណ្តាលឲ្យមានអ្នកស្លាប់និងរបួសជាច្រើន។
មានប្រសាសន៍ទៅកាន់ក្រុមអ្នកសារព័ត៌មាន អ្នកនាំពាក្យប្រធានាធិបតីកូរ៉េខាងត្បូង លោក Park Soo Hun បានបញ្ចាក់ថា ប្រធានាធិបតីបានចេញបញ្ចាឲ្យប្រើគ្រប់វិធីសាស្ត្រដើម្បីកាត់បន្ថយការខូចខាតទ្រពសម្បត្តិនិងអាយុជីវិត។ ប្រធានាធិបតីក៏បានស្នរើដល់មន្ត្រីទទួលបន្ទុក បើកការស្រាវជ្រាវបញ្ចាក់ឲ្យបានច្បាស់ ពីហេតុការឆាប់ឆេះខាងលើ ដើម្បីបង្ករ ហេតុការបែបនេះកើតឡើងនៅពេលអនាគត់ ។ លើសពីនេះទៅទៀត ប្រធានាធិបតីក៏បានស្នើរ ឲ្យត្រួតពិនិត្យ អត្តសញ្ញាណសាកសព ដើម្បីផ្តល់ព័ត៌មានដល់គ្រួរសារបានដឹងឲ្យបានឆាប់បំផុត។
គ្រោះអគ្គីភ័យខាងលើនេះ បានកើតឡើងនាវេលាម៉ោងប្រមាណជា ៧៖៣០នាទីព្រឹក ថ្ងៃសុក្រនេះ (ពេលវេលានៅកូរ៉េខាងត្បូង) នៅឯមន្ទីរពេទ្យ Sejong ក្នុងក្រុង Milyang នៃខេត្ត Gyeongsang ខាងត្បូង ដោយអណ្តាតភ្លើងបានរាលដាល ចេញពីបន្ទប់សង្រ្គោះបន្ទាន់មួយ ដែលស្ថិតនៅជាន់ទីមួយ នៃមន្ទីរពេទ្យកើតហេតុ។
គួរជម្រាបថា ជាលទ្ធផលមនុស្សយ៉ាងតិច ៣៣នាក់បានស្លាប់ និងប្រហែលជាង ៧០នាក់ទៀត បានទទួលរងរបួស ខណៈប្រតិបត្តិការជួយសង្រ្គោះកំពុងតែប្រព្រឹត្តទៅ។ អ្នកជំងឺសរុបប្រមាណ ១០០នាក់ ត្រូវគេរាយការណ៍ថា បានស្ថិតនៅក្នុងមន្ទីរពេទ្យនេះ នៅមុនពេលដែលគ្រោះអគ្គីភ័យបានកើតមានឡើង៕ ម៉េវ សាធី
