ខេត្តស្ទឹងត្រែង ៖ លោកគឹម ហុងសាន ព្រះរាជអាជ្ញារងអមសលាដំបូងខេត្ត ដឹកនាំកម្លាំងមន្ទីជំនាញខេត្ត ចុះបញ្ឆប់ការដ្ឋានបូមខ្សាច់ មួយកន្លែងដែលរឹងរូសមិនស្តាប់ការណែនាំរបស់មន្ទីរ៉ែនឹងថាមពលខេត្ត នឹងមន្ទីបរិស្ថានខេត្ត ដែលមានទីតាំងក្នុងភូមិកំភុន ឃុំភ្លុក ស្រុកសេសាន ស្ថិតនៅតាមដងទន្លេសេសាន ចម្ងាយប្រហែល១០គីឡូម៉ែត្រ ពីទីរួមខេត្តស្ទឹងត្រែង នៅថ្ងៃព្រហស្បត៍ ១រោច ខែមាឃ ឆ្នាំរកា នព្វស.ពស ២៥៦១ ត្រូវនឹងថ្ងៃ០១ ខែកុម្ភៈ ឆ្នាំ២០១៨ វេលាម៉ោង១០.២៥នាទីព្រឹក។
លោក នូ សុវណ្ណារ៉ា ប្រធានមន្ទីររ៉ែនឹងថាមពលខេត្ត បានបញ្ជាក់អំពីមូលហេតុដែលនាំអោយផ្អាកការដ្ឋានមូបខ្សាច់ខាងលើថា ការដ្ឋាននេះធ្វើអាជីវកម្ម មិនគោរពតាមការណែនាំរបស់មន្ទីររ៉ែថាមពល មួយលើកជាពីរលើក ។ ពេលនេះក្រុមការងារចុះទៅផ្អាកមិនអោយធ្វើសកម្មភាពបូមខ្សាច់ជាបណ្តោះអាសន្នសិន ដើម្បីអោយពួកគាត់មកសុំធ្វើច្បាប់អាជ្ញាបណ្ណសារជាថ្មី ព្រោះអាជ្ញាបណ្ណចាស់ពីមុនវាបានផុតសុពលភាពទៅហើយ នៅតែលួចធ្វើដដែល នៅតែមិនព្រមស្តាប់នឹងមកសុំច្បាប់អាជីវកម្មបន្តពីរមន្ទីរឡើយ ទើបបានព្រះរាជអាជ្ញារងចុះបញ្ឈប់តែម្តង។
លោកបញ្ជាក់ថា ម្ចាស់ការដ្ឋានខាងលើមានឈ្មោះ និលចាន់នៅ មានទីលំនៅក្នុងក្រុងស្ទឹងត្រែង និង ឈ្មោះ សៀវ រ៉ាស៊ី ដែលមកពីខេត្តផ្សេង។ ឈ្មោះនិល ចាន់នៅ ជាអ្នកកាន់លុយ និងឈ្មោះសៀវ រ៉ាស៊ី ជាអ្នកបច្ចកទេសក្នុងការបូម។
ជាមួយគ្នានេះដែរមន្ត្រីបរិស្ថានក៏បានអោយដឹងដែរថាៈ ការដ្ឋានបូមខ្សាច់នេះពុំត្រឹមត្រូវតាមលក្ខណ:បច្ចេកទេសទេ គឺមានទីធ្លាផ្ទុកខ្សាច់តូចចង្អៀត នៅជិតផ្ទះប្រជាពលរដ្ឋ មានទឹកហូរចេញពីការដ្ឋានខ្សាច់បណ្តាលអោយដក់ទឹកជោគជាំ ហូរចូលតាមលំនៅឋានប្រជាពលរដ្ឋជាដើមនាំឲ្យពួគគាត់មិនសប្បាយចិត្តទៀតផង ហើយភាពរឹងទទឹងរបស់ម្ចាស់ការដ្ឋានខាងលើ ត្រូវបានបិទជាស្ថាពរ និងដកហូតសម្ភារ:មួយចំនួន ខណ:ដែលលោក គឹម ហុងសាន ព្រះរាជអាជ្ញារងនៃអយ្យការអមសាលាដំបូងខេត្ត ចុះទៅពិនិត្យជាក់ស្តែងកាលពីព្រឹកថ្ងៃទី០១ ខែកុម្ភ: ឆ្នាំ២០១៨ ។
លោកហុង គឹមសាន បានឲ្យដឹងថា លោកនឹងបញ្ជាអោយមន្ទីររ៉ែថាមពលធ្វើកំណត់ហេតុដកហូតវត្ថុតាង ប្រគល់ជូនតំណាងអេយ្យការតុលាកាខេត្តដើម្បីចោទប្រកាន់ទៅតាមនីតិវីធីច្បាប់៕ មាស សុផាត
