ខេត្តពោធិ៍សាត់៖ រថយន្តម៉ាកហ្វតក្រុមហ៊ុនវីអាយភី ដឹកអ្នក់ដំណើរបើកលឿនដូចហោះបុកម៉ូតូពីក្រោយពេញទំហឹងបណ្ដាលឱ្យស្លាប់ម្នាក់ភ្លាមៗនៅនឹងកន្លែង។
ហេតុការណ៍គ្រោះថ្នាក់ចរាចរណ៏ខាងលើបានកើតឡើងកាលពីវេលាម៉ោង១៥និង៣០នាទីថ្ងៃទី១ ខែវិច្ឆិកា ឆ្នាំ២០១៥ នៅលើកំណាត់ផ្លូវជាតិលេខ៥ ស្ថិតក្នុងភូមិក្រពើរោរ៍ ឃុំស្នាមព្រះ ស្រុកបាកាន ខេត្តពោធិ៍សាត់។
ប្រភពពីសមត្ថកិច្ចបានឱ្យដឹងថាជនរងគ្រោះដោយរថយន្តបុកឈ្មោះ ចិន គឹមឈានភេទប្រុស អាយុ៥៧ឆ្នាំ មានទីលំនៅភូមិភៅ្ន ឃុំ.ស្រុកកើតហេតុ ។ ចំណែករថយន្តបង្កម៉ាកហ្វត ពណ៌ស ពាក់ស្លាកលេខ ភ្នំពេញ 2u-6756 ក្រុមហ៊ុនវីអាយភីដឹកអ្នាក់ដំណើរ ។
ប្រភពបន្តទៀតថា គេឃើញរថយន្ដបង្កបើកបរក្នុងទិសដៅពីលិចទៅកើត លុះមកដល់ចំណុចកើតហេតុ បានបុកម៉ូតូរបស់ជនរងគ្រោះពីក្រោយពេញទំហឹងបណ្ដាលឱ្យម្ចាស់ស្លាប់ភ្លាមៗ អ្នកបើកបរឃើញហេតុការណ៍បែបនេះក៏រត់គេចខ្លួនតែម្ដង ។ ចំណែកវត្ថុតាងម៉ូតូ និងរថយន្តយកមករក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តពោធិ៍សាត់ ដើម្បីរង់ចាំដោះស្រាយគ្នាតាមផ្លូវច្បាប់ ៕
ដោយ៖ ប៉ឹម ពិន
