ភ្នំពេញ ៖ ទីលានចាក់សំរាមមួយកន្លែង ដែលមានទីតាំងស្ថិតភូមិតាទ្បី សង្កាត់ដង្កោ ខណ្ឌដង្កោ រាជធានីភ្នំពេញ កំពុងរងការឆាបឆេះនារសៀលថ្ងៃទី១៣ ខែមីនា ឆ្នាំ២០១៨នេះ ។
ករណីឆេះនេះ កំពុងបង្កឲ្យប្រជាពលរដ្ឋរស់នៅក្បែរកន្លែងកើតហេតុ មានក្តីព្រួយបារម្ភ ខណៈគេដឹងថា ផ្លូវចូលទៅកាន់ទីនោះ មានលក្ខណៈតូចចង្អៀត មិនអាចឲ្យរថយន្តពន្លត់អគ្គិភ័យចូលទៅជួយអន្តរាគមន៍បាន ។ បើទោះយ៉ាងណា សមត្ថកិច្ច អាជ្ញាធរកំពុងរិះរកមធ្យោយបាយដើម្បីទប់ស្កាត់ និងពន្លត់ភ្លើង ។ ចំណែកមូលហេតុដែលបង្កឲ្យមានភ្លើងឆេះមិនដឹងការពិត ៕ ភារ៉ា
