ខេត្តស្វាយរៀង : មានការភ្ញាក់ផ្អើលដល់អ្នកភូមិឆោឡោឡើងស្រែកហៅគ្នីគ្នាជួយជះទឹកពន្លត់និងរាយការណ៏មកសមត្ថកិច្ចមូលដ្ឋានជួយបាញ់ពន្លត់ខណះដែលផ្ទះលក់ចាបហួយមួយខ្នងត្រូវអគ្គីភ័យឆាបឆេះយ៉ាងសន្ធោសន្ធៅដោយសាតែចៅស្រីម្ចាស់ផ្ទះមានការធ្វេសប្រហេសដោយយកដបសាំងចាក់ចូលថង់ក្បែចង្ក្រានបាយដែលកំពុងមានរងើកភ្លើងបណ្ដាលអោយកំពប់ឆាបឆេះតែម្ដង។

ហេតុការណ៏នេះបានកើតឡើងកាលពីវេលាម៉ោង៦និង៣០នាទីព្រឹកថ្ងៃទី ១៣ .ខែមីនាឆ្នាំ ២០១៨ រស់នៅភូមិបែកចាន ឃុំរមាំងថ្កោល ស្រុកស្វាយទាប ខេត្តស្វាយរៀង ។

យោងតាមមន្ត្រីកងរាជអាវុធហត្ថស្រុកបានអោយកាសែតនគរវត្តដឹងថាចំពោះម្ចាស់ផ្ទះរងគ្រោះមានឈ្មោះ នាង សេត ភេទស្រី អាយុ ៦៦ ឆ្នាំ មុខរបរលក់ចាបហួយរស់នៅភូមិបែកចាន ឃុំរមាំងថ្កោល ស្រុកស្វាយទាប ខេត្តស្វាយរៀង ។

ចំពោះចៅស្រីដែលរងរបួសរលាកភ្លើងជើងទាំងសងខាងមានឈ្មោះអោប ស្រីពេជ្រ អាយុ ១៣ឆ្នាំ។ ផ្ទះដែលត្រូវអគ្គីភ័យឆាបឆេះនេះគឺមានទំហំ ទទឹងប្រវែង ៤ គុណនិងបណ្ដោត ១២ ម៉ែត្រសង់ធ្វើអំពីឈើ ជញ្ជាំងស័ង្កសី ដំបូលប្រ៊ក់ស័ង្កសីខូចខាតស្ទើរទាំងស្រុង។

ចំពោះស្ត្រីម្ចាស់ផ្ទះឈ្មោះនាង សេតបាននិយាយទាំងទឹកភ្នែកថាក្រុមគ្រួសារគ្មានសេសសល់អ្វីទៀតទេដោយនៅសល់តែអាវខោពាក់ជាប់ខ្លួនប៉ុណ្ណោះស្ទើរមិនជឿរនិងភ្នែកតែមួយប៉ប្រិចទ្រព្យសម្បត្តិដែលខំសន្សំរាប់ឆ្នាំទាំងប៉ុន្មានរលាយគ្មានសល់ដូចជាម៉ូតូ 2 គ្រឿងម៉ាក់វ៉េវកង់២គ្រឿង ស្រាបៀច្រើនប្រភេទ ៦០ កេះ សាំង ២ កាន និង ម៉ាស៊ូត ២ កាន មាស ៧ជី៥ ហ៊ុន និងលុយខ្មែរ ២ លានរៀល លុយ២០០ដុល្លារ និងគ្រឿងចាប់ហួុយមួុយចំនួុនធំ។

លោកយាយបន្តថាមុនកើតហេតុគាត់បានដាំបាយហូបរាលព្រឹកប៉ុន្តែមានភ្ញៀវមកទិញសាំងទើបគាត់បានហៅចៅស្រីអោបស្រីពេជ្រមកចាក់សាំងរំលែកចូលក្នុងថង់ ខណះនោះស្រាប់តែកំពប់ខ្ចាយទៅនិងចង្ក្រានបាយដែលកំពុងមានរងើកភ្លើងបណ្ដាលអោយឆាបឆេះឡើងបង្កការភ្ញាក់ផ្អើលដល់អ្នកភូមិនាំគ្នាជួយពន្លត់ខ្វែងដៃខ្វែងជើងនិងរាយការណ៏មកសមត្ថកិច្ចុមូលដ្ឋានជួយអន្តរាគមន៏ប៉ុន្តែអកុសលដោយភ្លើងឆេះពេញក្រមុំមិនអាចគ្រប់គ្រងស្ថានការណ៏បាននោះទេ ៕ យឹម សុថាន