ខេត្តព្រះសីហនុ៖ ព័ត៌មានប្រចាំថ្ងៃរបស់ស្នងការដ្ឋាននគរបាល ខេត្តព្រះសីហនុ បានឲ្យដឹងថា៖ នៅវេលាម៉ោង៩:៤០ ថ្ងៃទី១៦ ខែមីនា ឆ្នាំ២០១៨ រថយន្តដឹកប្រេង របស់ក្រុមហ៊ុនសូគីម៉ិច ១គ្រឿងបានក្រឡាប់នៅចន្លោះគីឡូម៉ែត្រ១៤៦-១៤៧ ផ្លូវជាតិ លេខ៤ ភូមិគីរីវ័ន្ត ឃុំស្ទឹងឆាយ ស្រុកកំពង់សិលា ខេត្តព្រះសីហនុ។
របាយការណ៍សមត្ថកិច្ច អះអាងថា គ្រោះថ្នាក់ចរាចរណ៍នេះ បណ្ដាលមកពីរថយន្តខាងលេី បានគេចរុឺម៉កដឹកចានឆ្នាំង រួចក៏ជ្រុលចង្កូត ធ្លាក់ផ្លូវក្រឡាប់តែម្ដង ប៉ុន្តែមិនមានគ្រោះថ្នាក់ដល់មនុស្សឡើយ។
រថយន្តពណ៌ទឹកប្រាក់+ក្រហម ស្លាកលេខភ្នំពេញ3B-7443 សណ្តោងរុឺម៉កដឹកស៊ីទែនប្រេងឥន្ធនៈ ក្រុមហ៊ុន សូគីម៉ិច អ្នកបើកបរ ឈ្មោះ ងិន ពាន ភេទប្រុស អាយុ ៣៨ឆ្នាំ មុខរបរ អ្នកបើកបរ មានទីលំនៅ ឃុំបែកចាន ស្រុកអង្គស្នួល ខេត្តកណ្ដាល។ មានទិសដៅពីខេត្តព្រះសីហនុ ឆ្ពោះទៅ ភ្នំពេញ។
ករណីនេះនគរបាលស្រុកកំពង់សិលា បានបញ្ជូនរថយន្តពន្លត់អគ្គីភ័យ១គ្រឿង ទៅបាញ់ទឹកឲ្យត្រជាក់ បង្ការក្រែង កេីតមានគ្រោះអគ្គីភ័យឆាបឆេះផងដែរ។
បច្ចុប្បន្នសមត្ថកិច្ចនគរបាល និងភាគីខាងក្រុមហ៊ុន កំពុងចាត់ចែងស្ទូចយកចេញ ពីកន្លែងកើតហេតុ។
ដោយ៖ឆ្លាម សមុទ្រ
