ភ្នំពេញ ៖ នារីម្នាក់បានជិះម៉ូតូចេញពីលក់ដូរលុះមកដល់ពាក់កណ្ដាលផ្លូវស្រាប់តែត្រូវជនសង្ស័យធ្វើសកម្មភាពឆក់យកកាបូបស្ពាយបានសម្រេច ហេតុការណ៍នេះបានកើតឡើងនៅវេលាម៉ោង១១និង៤០នាទីយប់ថ្ងៃទី២៧ ខែមិនា ឆ្នាំ២០១៨ ជិតក្រសួងឧតុនិយម ផ្លូវព្រះមុនីវង្ស សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ ។
នារីរងគ្រោះមានឈ្មោះ អៀង ស៊ីណេត ភេទស្រី អាយុ២០ឆ្នាំ មុខរបរបុគ្គលិកហាង ស្នាក់នៅសង្កាត់ច្បារអំពៅ២ ខណ្ឌច្បារអំពៅ ។ សម្ភារដែលបាត់បង់នៅក្នុងកាបូបមានលុយមួយចំនួន អត្តសញ្ញាណបណ្ណមួយសន្លឹក និងទូរស័ព្ទមួយគ្រឿង ។
បើតាមសម្តីនារីរងគ្រោះបានឲ្យដឹងថា មុនពេលកើតហេតុរូបនាងបានជិះម៉ូតូមួយគ្រឿងម៉ាក អាយខន ពណ៌ក្រហមលាយខ្មៅ ពាក់ស្លាកលេខភ្នំពេញ2AI-1520 ចេញពីកន្លែងប្តីលក់ នៅម្តុំផ្សារអូរឬស្សី ត្រឡប់ទៅផ្ទះវិញនៅច្បារអំពៅ ដោយបានធ្វើដំណើរតាមផ្លូវព្រះមុនីវង្ស ក្នុងទិសដៅពីជើងទៅត្បូង ខណៈមកដល់ចំណុចកើតហេតុក៏ស្រាប់តែមានជនសង្ស័យ ដែលគ្នា២នាក់ បានជិះម៉ូតូមួយគ្រឿងមិនចាំម៉ាកបានមកធ្វើសកម្មភាពឆក់យកកាបូបស្ពាយពីរូបនាង បណ្តាលឲ្យដួលម៉ូតូរងរបួសរលាត់ដៃរលាត់ជើង ហើយជនសង្ស័យទាំងនោះបានយកកាបូបឆក់ជិះរត់គេចខ្លួនបាត់សម្រោលតែមង្ត ។
ក្រោយពេលកើតហេតុនារីជនរងគ្រោះមិនបានទៅនោះទេ គឺបានទូរសព្ទ័ឲ្យហៅក្រុមគ្រួសារមកយកត្រលប់ទៅផ្ទះវិញផងដែរ ៕ ស រស្មី
...
