ខេត្តរតនគិរី ៖ គោយន្តកែច្នៃបើកបរមិនប្រយ៏ត្នរេចង្កូតកៀរក្មេងប្រុសម្នាក់កំពុងដើថ្មើរជើងបញ្ច្រាសទិសគ្នាពីត្បូងមកជើងបណ្តាលរងរបួសធ្ងន់។
ហេតុការណ៍នេះបានកើតឡើងនៅវេលាម៉ោង៨នឹង២០នាទ៏ព្រឹកថ្ងៃពុធ៤រោច ខែចេត្រ ឆ្នាំរកា នព្វស័ក ព.ស២៥៦១ ត្រូវនឹងថ្ងៃទី៤ ខែមេសា ឆ្នាំ២០១៨ ត្រង់ចំណុចផ្លូវកែងក្បែរផ្ទះលោក ពៀន រតនៈ លើផ្លូវជាតិលេខ៧៦ ចន្លោះបង្គោលគីឡូម៉ែត្រលេខ២៨៥-២៨៦ស្ថិតក្នុងភូមិកាទៀងឃុំល្បាំងមួយស្រុកលំផាត់ខេត្តរតនគិរី ។
មន្ត្រីនគរបាលស្រុកលំផាត់បានឲ្យដឹងថាក្មេងជនរងគ្រោះឈ្មោះ រិទ្ធ ពើប ភេទប្រុសអាយុ៤ឆ្នាំជនជាតិខ្មែររស់នៅភូមិឃុំកើតហេតុខាងលើ របួសធ្ងន់ (បាក់ទ្រគៀកម្ខាង) ។ ចំណែកអ្នកបើកបរគោយន្តឈ្មោះ វឹងកន ភេទប្រុសអាយុ ២៦ឆ្នាំជនជាតិព្រៅអ្នករួមដំណើរចំនួន ៤នាក់ទី១.ឈ្មោះ ញូ ឡ ភេទប្រុសទី២.ឈ្មោះ ញូ ញ៉ ភេទប្រុសទី៣.ឈ្មោះ ចាហូញ ទូល ភេទប្រុស ទី៤.ឈ្មោះ មុងគី ភេទប្រុសអ្នកទាំង ៥នាក់ រស់នៅភូមិសឹក ឃុំតាអង ស្រុកកូនមុំ ខេត្តរតនគីរី ។
ក្រោយកើតហេតុនគរបាលមូលដ្ឋានចុះមកអន្តរាគមន៍ហើយសមត្ថកិច្ចបានទំនាក់ទំនងទៅឪពុកម្តាយក្មេងរងគ្រោះ ដឹកបញ្ជូនទៅសង្រ្គោះនៅមន្ទីរពេទ្យបង្អែកខេត្តរតនគិរីតាមម៉ូតូឯកជន ។
វត្ថុតាងគោយន្តកែច្នៃមួយគ្រឿងត្រូវបានសមត្ថកិច្ចនគរបាលដកហូតបណ្តោះអាសន្នយកមករក្សាទុកនៅប៉ុស្តិ៍រដ្ឋបាលល្បាំងមួយដើម្បីចាត់ការតាមនិតិវិធីច្បាប់ ៕ ដោយៈជីវន្ត
