ជនជាតិចិន១១៩នាក់ត្រូវបានសមត្ថកិច្ចសអន្តោប្រវេសន៍ឃាត់ខ្លួនពាក់ព័ន្ធករណីជម្រិតទារប្រាក់តាមប្រព័ន្ធអ៊ីនធឺណេត (VOIP)

ចែករំលែក៖

ភ្នំពេញ: សមត្ថកិច្ចសអន្តោប្រវេសន៍ ឃាត់ខ្លួនជនជាតិចិនប្រមាណជាង១០០នាក់ ពាក់ព័ន្ធករណីជម្រិតទារប្រាក់តាមប្រព័ន្ធអ៊ីនធឺណេត (VOIP)។ ប្រតិបត្តិការបង្ក្រាបនេះ បានធ្វើឡើងកាលពីយប់ថ្ងៃទី២២ ខែមេសា ឆ្នាំ២០១៨ នេះនៅគោលដៅចំនួនពីរផ្សេងគ្នា គឺនៅក្នុងខណ្ឌទួលគោល និងនៅក្នុងសែនសុខ ។

លោកឧត្តមសេនីយ៍ឯក អ៊ុក ហៃសីឡា ប្រធាននាយកដ្ឋានស៊ើបអង្កេត និងអនុវត្តនីតិវិធី នៃអគ្គនាយកដ្ឋានអន្តោប្រវេសន៍ បានប្រាប់អោយដឹងថា នៅថ្ងៃទី២២ ខែមេសា អគ្គនាយកដ្ឋានអន្តោប្រវេសន៏ សហការជាមួយព្រះរាជអាជ្ញាអមសាលាដំបូងរាជធានីភ្នំពេញ និងសមត្ថកិច្ចស្នងការដ្ឋាននគរបាលរាជធានីភ្នំពេញ ចុះត្រួតពិនិត្យ ឆែកឆេរទីតាំងប្រព្រឹត្តបទល្មើសល្បែងអនឡាញ និងចាប់ជម្រិតទារប្រាក់តាមប្រព័ន្ធអ៊ីនធឺណេត (VOIP) ដោយខុសច្បាប់ នៅទីតាំងដូចខាងក្រោម:
១. ទីតាំងនៅ ខណ្ឌទួលគោក ឃាត់បានជនជាតិចិនចំនួន ៧០នាក់ស្រី០៤នាក់។
២. ទីតាំងនៅ ខណ្ឌសែនសុខ ចំនួន៤៩នាក់ ស្រី១៥នាក់។

លោកឧត្តមសេនីយ៍ឯក អ៊ុក ហៃសីឡា បញ្ជាក់ថា ជនជាតិចិនដែលឃាត់ខ្លួនសរុបរួមចំនួន ១១៩នាក់ ស្រី១៩នាក់។ ក្រុមជនជាតិចិនទាំង119នាក់ ពេលត្រួតពិនិត្យមិនមានលិខិតឆ្លងដែនជាប់ខ្លួនទេ ត្រូវបានឃាត់នាំមកអគ្គនាយកដ្ឋានអន្តោប្រវេសន៏ ដើម្បីធ្វើការសាកសួរតាមនីតិវិធីច្បាប់៕ ជ្រោយពេជ្រ

...

ចែករំលែក៖

នគរដ្រេហ្គន

ព័ត៌មានទាន់ហេតុការណ៍នៅកម្ពុជា