ខេត្តកំពង់ធំ៖ នាព្រឹកថ្ងៃអង្គារ ១០កើត ខែពិសាខ ឆ្នាំច សំរឹទ្ធិស័ក ព.ស.២៥៦១ ត្រូវនឹងថ្ងៃទី២៤ ខែមេសា ឆ្នាំ២០១៨ នៅសាលាខេត្តកំពង់ធំ មានរៀបចំសិក្ខាសាលាផ្សព្វផ្សាយ អនុក្រឹត្យលេខ២៤០ អនក្រ.បក ស្តីពីការធ្វើប្រតិភូកម្មសិទ្ធិអំណាចទៅអោយគណ:អភិបាលរាជធានី ខេត្ត ក្រុង ស្រុក ក្នុងការគ្រប់គ្រងបុគ្គលិកបំពេញការងារនៅថ្នាក់ក្រោមជាតិ សេចក្តីណែនាំលេខ ៧៨៨ មស.សណន ស្តីពីគោលការណ៍វិធីនៃការតែងតាំង និងការបញ្ចប់មុខតំណែងគ្រប់គ្រងរបស់មន្ត្រីរាជការស៊ីវិល និងសេចក្តីណែនាំលេខ ៧៨៩មស.សណន ស្តីពីគោលការណ៍បែបបទ និងនីតិវិធីគ្រប់គ្រងបុគ្គលិករដ្ឋបាលថ្នាក់ក្រោមជាតិ ក្រោមអធិបតីភាពលោក ថោ សេដ្ឋាណា អនុរដ្ឋលេខាធិការក្រសួងមុខងារសាធារណៈ។
ពិធីនេះមានការអញ្ជើញចូលរួមពីលោក អភិបាល អភិបាលរង នៃគណៈអភិបាលខេត្ត ថ្នាក់ដឹកនាំតាមមន្ទីរជុំវិញខេត្ត កងកម្លាំងប្រដាប់អាវុធ បុគ្គលិក មន្ត្រីរាជការជាច្រើនរូប៕
ដោយ៖ សុខ ខេមរា
