ខេត្តកំពង់ធំ ៖ បុរសចំណាស់ម្នាក់ស្រវឹងស្រាចុះដោះមង ត្រូវគេប្រទះឃើញ លង់ទឹកស្លាប់ កាលពីវេលាម៉ោង១២ និង៣០នាទីថ្ងៃព្រហស្បតិ៍៤រោច ខែ ពិសាខ ឆ្នាំ ច សំរឹទិ្ធ ស័ក ព.ស២៥៦២ ត្រូវនិងថ្ងៃទី ៣ ខែ ឧសភា គ.ស ២០១៨ នៅចំណុចកក់វាល ភូមិប្រាសាទ ឃុំសានគរ ស្រុកកំពង់ស្វាយ ខេត្តកំពង់ធំ។

សមត្ថកិច្ចបានអោយដឹងថា ជនរងគ្រោះឈ្មោះ ហុក ហេ ភេទប្រុស អាយុ៥៤ ឆ្នាំរស់នៅភូមិសង្គម ឃុំ ដំរីស្លាប់ ស្រុកកំពង់ស្វាយ ខេត្តកំពង់ធំ។ មុន ពេលកើតហេតុ ជនរងគ្រោះបានផឹកស្រា លុះដល់ស្រវឹង ក៏ចុះទៅដោះត្រីក្នុងមង តែម្នាក់ បណ្ដាលអោយលង់ទឹកស្លាប់ តែម្ដងគ្មានអ្នកណាឃើញ ។

ក្រោយពេលកើតហេតុសមត្ថកិច្ចបានចុះធ្វើកុសលវិច្ច័យ រួចប្រគល់សាកសពអោយសាច់ញាតិក្រុមគ្រួសារដើម្បីចាត់ចែងធ្វើបុណ្យ ៕ប៊ុន រិទ្ធី