ភ្នំពេញ ៖ បច្ចុប្បន្នខេត្តស្វាយរៀង មានរោងចក្រ សហគ្រាស គ្រឹះស្ថានសរុប១៦៥ និងផ្តល់ការងារជូនប្រជាពលរដ្ឋ ៥៩,១៨៣ នាក់។

រោងចក្រទាំងនេះមានសសង្វាក់ផលិតកម្មដូចជា កាត់ដេរសម្លៀកបំពាក់, ផលិតស្បែកជើង, ដំឡើងកង់, ផលិតស្រោមដៃ, ផលិតខ្សែគ្រឿងបង្គុំអគ្គិសនី, ផលិតតួកង់, ផលិតស៊ុមរូបថត, ផលិតសម្ភារៈវេចខ្ចប់, ដំឡើងបង្អួច, ផលិតគ្រឿងបន្លាស់កង់, ផលិតស្ទីកគ័រ (sticker) រូបភាព, ខ្សែនាឡិកា ផលិតម៉ែត្រ, ផលិតថ្នាំពណ៌ លាបកង់, ផលិតគ្រឿងបន្លាស់នាឡិកាដៃ, ផលិតខ្សែនាឡិកា, ផលិតបារី, ផលិតវាំងននស្លាបព្រិល និងផលិតប៉ុងស្មាអាវជាដើម។

នេះជាមោទនភាពមួយដែលកម្ពុជាមានរោងចក្រផលិតនូវសម្ភារៈជាច្រើនមុខសម្រាប់នាំចេញទៅកាន់ទីផ្សារអន្តរជាតិ។ ក្នុង១ឆ្នាំៗគឺមានទឹកប្រាក់ចំនួនជាង ១២០ លានដុល្លារបានចាក់ចូលខេត្តស្វាយរៀងតាមរយៈប្រាក់ខែដែលកូនក្មួយកម្មករទទួលបានពីការងាររោងចក្រ។

អរគុណក្មួយៗកម្មករ កម្មការនីទាំងអស់ដែលបានចូលរួមថែរក្សាសន្តិភាព និងរួមយចំណែកជំរុញវិស័យឧស្សាហកម្មនេះអោយកាន់តែរីកចម្រើនទោមុខ៕