ខេត្តស្វាយរៀង៖ សម្តេចតេជោ ហ៊ុន សែន៖ មានកម្មការិនីម្នាក់សុំថតរូបសែលហ្វីជាមួយសម្តេច ដោយនាងនិយាយថា «ថតទុកឱ្យយាយមើល» ហើយនាងក៏ស្រក់ទឹកភ្នែក….!!!

-សម្តេចតេជោ ហ៊ុន សែន បានថ្លែងថា សម្រាប់អ្នករកស៊ីដឹកកម្មករ កម្មការិនី ដែលទិញរថយន្តដំឡើងនៅក្រុងបាវិត ខេត្តស្វាយរៀង អាចទៅខ្ចីលុយពីធនាគារជាមួយអត្រាការប្រាក់ទៀប។

-សម្តេចតេជោ ហ៊ុន សែន បន្តបានថ្លែងថា លោក សម រង្ស៊ី មិនទាន់បានកាន់អំណាចផង ហ៊ានចុះហត្ថលេខាកាត់ទឹកដី៤ខេត្តរបស់ខ្មែរ ឲ្យជនជាតិភាគតិចវៀតណាម នេះជាទង្វើក្បត់ជាតិ។

-សម្តេចតេជោ ហ៊ុន សែន បានថ្លែងថា ការប្រឹងប្រែងរួមគ្នារំដោះប្រទេសចេញពីរបបប្រល័យពូជសាសន៍ ប៉ុល ពត នៅថ្ងៃទី០៧ ខែមករា ឆ្នាំ១៩៧៩ គឺជាជោគជ័យធំណាស់សម្រាប់ជាតិកម្ពុជា។

-សម្តេចតេជោ ហ៊ុន សែន បានថ្លែងថា ការរៀបចំបែបនេះ នឹងនាំឲ្យមានការគាំទ្រដល់រថយន្តផលិតដំឡើងនៅក្នុងប្រទេសកម្ពុជា ហើយអាចទទួលបានរថយន្តមួយមានស្តង់ដារក្នុងការដឹកកម្មករ កម្មការិនីផងដែរ។

-សម្តេចនាយករដ្ឋមន្ត្រី បានបន្ថែមថា អ្វីៗដែលកម្ពុជាកំពុងមានមិនមែនបានមកពីបក្សប្រឆាំងនោះទេ គឺបានពីការប្រឹងប្រែងរួមគ្នារបស់រាជរដ្ឋាភិបាលដឹកនាំដោយគណបក្សប្រជាជនកម្ពុជា ជាមួយប្រជាពលរដ្ឋដោយផ្ទាល់។

-សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងថា កាយវិការនៃការស្វាគមន៍របស់កម្មករ កម្មការិនី គឺបានបង្ហាញថា កម្មករ កម្មការិនី មិនមែនចាត់ទុកសម្តេចតេជោ មិនមែនត្រឹមតែជាមេដឹកនាំនោះទេ គឺចាត់ទុកជាឪពុក ឬ ជាពូជាដើម។

-សម្តេចតេជោ ហ៊ុន សែន ក៏បានចាត់ទុកការប្រឹងប្រែងទប់ស្កាត់ការប៉ុនប៉ងវិលមកវិញនៃរបបខ្មែរក្រហម ការប្រឹងប្រែងរកកិច្ចចរចាសន្តិភាព ការបង្រួបបង្រួមជាតិតែមួយ និងការប្រឹងប្រែងអភិវឌ្ឍន៍ជាតិឲ្យកាន់តែរីកចម្រើន ក៏ជាជោគជ័យមួយសម្រាប់ជាតិផងដែរ។

-សម្តេចបានពន្យល់ថា មានប្រទេសនៅក្នុងតំបន់អាស៊ីជាច្រើនកំពុងប្រកួតប្រជែងជាមួយកម្ពុជា ដូច្នេះបើមានការទាមទារដំឡើងប្រាក់ឈ្នួលខ្ពស់ហួសហេតុ ឬ ការទាមទាររហូតមានផ្ទុះបាតុភាពផ្សេងៗ នឹងនាំឲ្យថៅកែរោងចក្រទាំងនេះទៅវិនិយោគនៅប្រទេសដទៃ ហើយនាំឲ្យកម្មករអត់ការងារធ្វើជាក់ជាមិនខាន។

-សម្តេចតេជោ ហ៊ុន សែន បានថ្លែងថា កម្មករ កម្មការិនីនៅក្នុងខេត្តស្វាយរៀង មួយឆ្នាំរកបានចំណូលប្រមាណ ១២០លានដុល្លារ ដែលជារួមចំណែកដ៏ធំសម្រាប់ទ្រទ្រង់ជីវភាព និងចាក់ចូលទៅក្នុងសេដ្ឋកិច្ចជាតិ។ នេះគិតត្រឹមជាមធ្យមកម្មករ កម្មការិនីម្នាក់ទទួលប្រានប្រាក់ឈ្នួលត្រឹម ២០០ដុល្លារប៉ុណ្ណោះ។

-សម្តេចតេជោ ហ៊ុន សែន បានថ្លែងថា នៅឆ្នាំថ្មីនេះរោងចក្របានកើនឡើងប្រមាណ ៥០រោងចក្រ ផ្តល់ការងារបន្ថែមដល់ប្រជាពលរដ្ឋប្រមាណ ៣ម៉ឺនកន្លែង។ សម្តេចថាសមិទ្ធផលទាំងនេះមិនមែនបានមកពីការស្រែករបស់បក្សប្រឆាំងនោះទេ ពោលពួកគេបានត្រឹមស្រែកទាមទារឲ្យបរទេសឈប់ទិញទិញរបស់កម្ពុជា ដែលជាការសម្លាប់ឆ្នាំងបាយរបស់កម្មករតែប៉ុណ្ណោះ។

-សម្តេចតេជោ ហ៊ុន សែន បានថ្លែងថា ប្រជាពលរដ្ឋជាប់តាមព្រំដែនគ្នា គឺតែងតែមានការពឹងអាស្រ័យគ្នាទៅវិញទៅមក។ ក្នុងនោះរាល់ពេលសម្តេចមានជំនួបជាមួយមេដឹកនាំថៃ ឡាវ និងវៀតណាម ដែលជាប្រទេសមានព្រំដែនជាមួយកម្ពុជានោះ សម្តេចតែងតែស្នើសុំឲ្យមានការអនុញ្ញាតឲ្យប្រជាពលរដ្ឋខ្មែរជាប់ព្រំដែនអាចចូលទៅពិនិត្យ ឬព្យាបាលជំងឺនៅមន្ទីរពេទ្យរបស់ប្រទេសទាំងនោះ។

-សម្តេចនាយករដ្ឋមន្ត្រី បានបន្ថែមថា អ្វីៗដែលកម្ពុជាកំពុងមានមិនមែនបានមកពីបក្សប្រឆាំងនោះទេ គឺបានពីការប្រឹងប្រែងរួមគ្នារបស់រាជរដ្ឋាភិបាលដឹកនាំដោយគណបក្សប្រជាជនកម្ពុជា ជាមួយប្រជាពលរដ្ឋដោយផ្ទាល់។ ដោយឡែកបក្សប្រឆាំងបានត្រឹមស្រែកទាមទារឡើងប្រាក់ឈ្នួល ដែលលើសពីសមត្ថភាពរបស់ថៃកៅរោងចក្រតែប៉ុណ្ណោះ។ សម្តេចបានចាត់ទុកការទាមទារប្រាក់ឈ្នួលរបស់បក្សប្រឆាំង គឺជាសកម្មភាព «ដុតឲ្យខ្លោច រោចឲ្យឆៅ»។

-សម្តេចនាយករដ្ឋមន្ត្រីបានថ្លែងថា មានកម្មការិនីម្នាក់បន្ទាប់ពីបានថតរូបជាមួយសម្តេចហើយ ក៏ស្រក់ទឹកភ្នែក ហើយបានថ្លែងថា គេនឹងយករូបថតយកទៅឲ្យយាយរបស់គេមើល។ សម្តេចនាយករដ្ឋមន្ត្រី បានសន្និដ្ឋានថា តាមរយៈកាយវិការនេះ បានបង្ហាញថា ក្តីស្រឡាញ់ និងគាំទ្រចំពោះសម្តេចមិនមែនមានត្រឹមសម័យបច្ចុប្បន្ននោះទេ គឺបានបន្តតាំងជំនាន់នៃឪពុកម្តាយ ឬជីដូនជីតារបស់ពួកគេមកម្ល៉េះ។ ជាពិសេសជីដូនជីតា និងឪពុកម្តាយរបស់ពួកគេនោះ សុទ្ធតែបានរួមចំណែកក្នុងការស្រោចស្រង់ប្រទេសចេញពីស្ថានភាពដ៏លំបាកពីអតីតកាល។

-សម្តេចតេជោ ហ៊ុន សែន បានថ្លែងទង្វើអំពាវនាវឲ្យបរទេសឈប់ទិញទំនិញ ឈប់មកវិនិយោគ ឬឈប់ផ្តល់ជំនួយមកកម្ពុជា គឺជាទង្វើក្បត់ប្រយោជន៍ប្រជាជន,។

-សម្តេចតេជោ ហ៊ុន សែន បន្តបានថ្លែងថា លោក សម រង្ស៊ី មិនទាន់បានកាន់អំណាចផង ហ៊ានចុះហត្ថលេខាកាត់ទឹកដី៤ខេត្តរបស់ខ្មែរ ឲ្យជនជាតិភាគតិចវៀតណាម នេះជាទង្វើក្បត់ជាតិធ្ងន់ធ្ងរបំផុត៕