ខេត្តព្រះសីហនុ ៖ នៅវេលាម៉ោង៦និង៤០ នាទីព្រឹកថ្ងៃទី១០ខែឧសភាឆ្នាំ២០១៨ មានករណីគ្រោះថ្នាក់ចរាចរណ៍០១កើតឡើងលើ ដងផ្លូវជាតិលេខ៤ ត្រង់ចំណុចចន្លោះបង្គោលគីឡូ២០៥និង២០៦ ស្ថិតក្នុងភូមិស្មាច់ដែងឃុំរាមស្រុកព្រៃនប់ រវាងរថយន្ត ដឹកសំរាមទិសដៅចូលទៅក្រុងព្រះសីហនុ (អ្នកបើកបរគេចខ្លួនបាត់) មកដល់ចំណុចកើត រថយន្តបានបុកពីក្រោយម៉ូតូ០១គ្រឿង ម៉ាកហុងដាពណ៌ខ្មៅ បណ្តាលឲ្យភាគីខាងម៉ូតូ÷

១/ឈ្មោះនេន វិជ្ជា ភេទប្រុសអាយុ២១ឆ្នាំ មុខរបរកម្មកររោងចក្រ ទីលំនៅភូមិទួលទទឹង១ ឃុំទួលទទឹងស្រុកព្រៃនប់ ស្លាប់នៅកន្លែង(អ្នកបើកបរ​)

២/ឈ្មោះមុី វិចិត្រ ភេទប្រុសអាយុ២១ឆ្នាំ មុខរបរដូចគ្នាមានទីលំនៅភូមិបត់គគីរឃុំអូរឧកញ៉ាហេងស្រុកព្រៃនប់ រងរបួសធ្ងន់

៣/ឈ្មោះម៉ៅ ទឹប ភេទប្រុសអាយុ៣១ឆ្នាំ មុខរបរនិងទីលំនៅដូចគ្នា រងរបួសស្រាល។

បច្ចុប្បន្នសាកសពត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី ចំណែករថយន្តនិងម៉ូតូបានយកទៅរក្សាទុកនៅអធិការដ្ឋានស្រុកព្រៃនប់រងចាំការដោះស្រាយតាមនិតិវិធីច្បាប់ ៕ ឆ្លាម សមុទ្រ