ខេត្តកំពង់ចាម ៖ ទីតាំងបើកល្បែងស៊ីសងមួយកន្លែង រួមមាន ៖ បញ្ចល់មាន់ អាប៉ោង ស្ថិតនៅចំណុចភូមិសណ្តែក ឃុំសំពងជយ័ ស្រុកជើងព្រៃ ខេត្តកំពង់ចាម ត្រូវបានកម្លាំងសមត្ថកិច្ចចុះបង្ក្រាប ។ សកម្មភាពក្នុងការចុះបង្ក្រាបគេឃើញចាប់បានតែវត្ថុតាងប៉ុណ្ណោះ ចំណែកអ្នក ញៀនលេងល្បែងរត់គេចបាត់អស់ដោយសុវត្ថិភាព ។
ការចុះបង្ក្រាបធ្វើឡើងកាលពីវេលាម៉ោង១៣ និង២០នាទី ថ្ងៃទី២ ខែមិថុនា ឆ្នាំ២០១៨ ដឹកនាំដោយលោកវរសេនីយ៍ ឯក ប្រាក់ សុគន្ធ អធិការនគរបាលស្រុក តាមបទបញ្ជាលោកស្នងការ បន្ទាប់ពីទទួលបានពត៌មានពីប្រជាពលរដ្ឋរាយការណ៍ជូន ។
លោកប្រាក់ សុគន្ធ អធិការនគរបាលស្រុកជើងព្រៃបាន អោយដឹងថា ជាលទ្ធផលសមត្ថកិច្ចរឹបអូសវត្ថុតាងរួម មាន៖ ម៉ូតូចំនួន៤៣គ្រឿង មាន់ចំនួន៥ក្បាល ចាននិង ហាន់តោអាប៉ោងចំនួនមួយសម្រាប់ ។ លោកបញ្ជាក់ថា អ្នកលេងបានរត់គេចខ្លួនបាត់អស់ ដោយសារក្រុមអ្នក លេងតែងតែរៀបចំកម្លាំងបណ្តាញអោយចាំមើលផ្លូវ ។
ចំពោះវត្ថុតាងខាងលើ ត្រូវបានបញ្ជូនមកកាន់អធិការ ដ្ឋាននគរបាលស្រុកជើងព្រៃ ដើម្បីកសាងសំណុំរឿងតាមនីតិវិធី ៕ វណ្ណៈ
