ប្រទេសជាច្រើននៅក្នុងទី្វបអឺរ៉ុបអាមេរិក ទ្វីបអាមេរិកក៏ដូចជានៅក្នុងតំបន់អាស៊ីបានបង្កើតការការពារសន្តិសុខរបស់ខ្លួនក្នុងពេលដែលមានការវាយប្រហារនៅក្នុងប្រទេសបារាំងបណ្តាលឲ្យមានអ្នកស្លាប់និងរងរបួសជាង២០០នាក់ ។
កាលពីថ្ងៃទី១៣ខែវិច្ឆិកា ក្រោយការវាយប្រហារនៅទីក្រុងប៉ារីសប្រទេសបារាំង រដ្ឋាភិបាលអាហ្សង់ទីនបានចេញបញ្ជាឲ្យរិតបន្តឹងសន្តិសុខ ពិសេសគឺការពារស្ថានទូតរបស់បារាំងនៅរដ្ឋធានីBuenos Aires និងតាមអាកាសយានដ្ឋាននានាទប់ស្កាត់ការវាយប្រហារដូចគ្នានោះកើតឡើង ។
ស្នងការប៉ូលិសអាហ្សង់ទីនលោកSergio Berni បានចេញបញ្ជាដល់កម្លាំងប៉ូលិសទាំងអស់តាមដានរាល់សកម្មភាពនានា និងការពារបណ្តាស្ថានទូបរទេសឲ្យបានប្រសើរបំផុតពិសេសគឺស្ថានទូតរបស់ប្រទេសអឺរ៉ុបអាមេរិក ។
ការបង្កើតសកម្មភាពការពារនោះ ក្រោយពេលដែលអាហ្សង់ទីនក៏ធ្លាប់រងការគម្រាមកំហែងវាយប្រហារពីក្រុមភេរវកម្មពីក្រុមអាលកៃដា ទៅលើមជ្ឈមណ្ឌុលពាណិជ្ជកម្មនៅទីក្រុងធំៗរបស់អាហ្សង់ទីន។ កាលពីឆ្នាំ១៩៩២ រដ្ឋធានីអាហ្សង់ទីនក៏ធ្លាប់រងការវាយប្រហារភេរវកម្មបណ្តាលឲ្យស្លាប់និងរងរបួសជាង២០០នាក់ផងដែរ។ នៅឆ្នាំ១៩៩៤ ការវាយប្រហារគ្រប់បែកសម្លាប់មនុស្ស៨៥នាក់ និងជាង៣០០នាក់រងរបួស ។
ដោយសារតែអាហ្សង់ទីនជាមុខសញ្ញាវាយប្រហារភេរវកម្ម ទើបរដ្ឋាភិបាលរឹតបន្តឹងសន្តិសុខការពារឲ្យបានល្អបំផុតជៀសវាងហេតុការណ៍ដដែលនោះកើតឡើងជាថ្មី ៕
ប្រែសម្រួល៖ ម៉ែវ សាធី
