ខេត្តបន្ទាយមានជ័យ៖ ឧបទ្ទវហេតុគ្រោះថ្នាក់ចរាចរណ៍មួយកើតឡើងរវាងរថយន្តម៉ាកតូយ៉ូតា១បាំងកន្លះ បុកគ្នាជាមួយនិងរថយន្តកាមរី បណ្តាលឱ្យរថយន្តកាមរីឆេះយ៉ាងសន្ធោសន្ធៅ នៅស្រុកព្រះនេត្រព្រះ ។
ហេតុការណ៍នេះ បើតាមព័ត៌មានបឋមពីលោក អធិការនគរបាលស្រុកព្រះនេត្រព្រះប្រាប់ឱ្យដឹងថា កើតឡើងកាលពីវេលាម៉ោង៦ល្ងាចថ្ងៃទី១៦ ខែវិច្ឆិកា ឆ្នាំ២០១៥ នៅលើកំណាត់ផ្លូវជាតិលេខ៦ ស្ថិតក្នុងភូមិព្រៃមាន់ ឃុំរហាលស្រុកព្រះនេត្រព្រះខេត្តបន្ទាយ មានជ័យ ។
សេចក្តីរាយការណ៍ឱ្យដឹងទៀតថា អ្នកបើករថយន្តម៉ាកតូយ៉ូត១បាំងកន្លះបានស្លាប់ទៅហើយនៅកន្លែងកើតហេតុគេមិនទាន់ស្គាល់អត្តសញ្ញាណនៅឡើយនោះទេ ។ ចំណែកអ្នកនៅក្នុងរថយន្តកាមរីត្រូវភ្លើងកំពុងឆាបឆេះគេមិនទាន់ដឹងថាមានមនុស្សជាប់ នៅក្នុងរថយន្តកាមរីនោះប៉ុន្មាននៅឡើយនោះដែរ ភ្លើងបានកំពុងឆេះយ៉ាងសន្ធោសន្ធៅសមត្ថកិច្ច មិនអាចទប់ស្កាត់បានឡើយ ។
សេចក្តីរាយការណ៍បន្ថែមឱ្យដឹងទៀតថារវាងរថយន្តាំអ២គ្រឿងធ្វើដំណើរច្រាសទិសគ្នា រថយន្ត១បាំងកន្លះដឹកដំណាំកសិផល ចំណែករថយន្តកាមរីសមត្ថកិច្ចសង្ស័យជារថយន្តរត់ តាក់ស៊ី ហើយបើតាមការសន្និដ្ឋានប្រហែលជាមានមនុស្ស២នាក់ជិះក្នុងរថយន្តកាមរី ។
មូលហេតុនៃការបង្កឱ្យមានគ្រោះថ្នាកចរាចរណ៍នេះកើតឡើងសមត្ថកិច្ចពុំទាន់ដឹង ច្បាស់នៅឡើយនោះទេ ខណៈដែលសមត្ថកិច្ចកំពុងតែជាប់រវល់អន្តរគមន៍នៅកន្លែងកើតហេតុ ៕
ដោយ៖ សំ វិច្ឆិកា
