ភ្នំពេញ៖ កីឡាករថៃ ឈ្មោះ វីរ៉ាឆៃ នឹងបង្ហាញមុខ បន្ទាប់ពីលោក សេង កដិកា អគ្គនាយករងនិងជាអ្នកគ្រប់គ្រង កម្មវិធីប្រដាល់បានដាក់កំហិតឱ្យកីឡា កររូបនេះមកចូលរួមប្រកួតវគ្គផ្ដាច់ព្រ័ត្រ ជាមួយកីឡាករ វ៉ាន់ ចាន់វ៉េត មកពីក្លិប គីសែមានឫទ្ធិដើម្បីបញ្ចប់រដូវកាលទី១ នៃខ្សែក្រវាត់ស៊ីម៉ងត៍អូដ្ឋប្រភេទទម្ងន់ ៦៣,៥គីឡូក្រាមនាល្ងាចថ្ងៃទី២១ ខែ វិច្ឆិកា ឆ្នាំ២០១៥ នៅសង្វៀនទូរទស្សន៍ ប៉ុស្ដិ៍លេខ៥អារីណា ។
កីឡាករថៃរូបនេះបានដាក់ពាក្យសុំ ពន្យារពេលប្រកួតអស់រយៈពេល២ សបា្ដហ៍រួចហើយ ដោយសន្យាថាមក ប្រកួតតែដល់ថ្ងៃប្រកួតអត់មកដោយ យកលេសប្រាប់អ្នកគ្រប់គ្រងកម្មវិធី ថាគ្រូពេទ្យមិនទាន់អនុញ្ញាតឱ្យប្រកួត បន្ដ ព្រោះរបួសមិនទាន់ជាសះស្បើយ ដោយឆ្អឹងច្រមុះ មានស្នាមប្រេះ ។
លោក សេង កដិកា បានប្រាប់អ្នក យកព័ត៌មាននគរវត្ដកាលពីចុងសបា្ដហ៍មុនថា ខ្ញុំលែងយោគយល់កីឡាករ វីរ៉ា ឆៃ តទៅទៀតហើយ ពីព្រោះគាត់បាន សុំពន្យារម្ដងហើយម្ដងទៀត ដូច្នេះ សបា្ដហ៍នេះគេត្រូវតែមកប្រកួតវគ្គផ្ដាច់ព្រ័ត្រជាមួយកីឡាករ វ៉ាន់ ចាន់វ៉េត បើ មិនមកតាមការសន្យាទេនោះ ខ្សែក្រ វាត់នេះនឹងប្រគល់ទៅឱ្យ វ៉ាន់ ចាន់វ៉េត ដោយស្វ័យប្រវត្ដិតែម្ដង ។
តាមការអះអាងរបស់អគ្គនាយករង រូបនេះបានឱ្យដឹងថា កីឡាករ វីរ៉ាឆៃ មិនត្រឹមតែសន្យាជាមួយខ្ញុំថា មក ប្រកួតវគ្គផ្ដាច់ព្រ័ត្រថ្ងៃសៅរ៍ទី២១ ខែ វិច្ឆិកាឆ្នាំ២០១៥ ប៉ុណ្ណោះទេ គឺកីឡាករ រូបនេះក៏ផ្ញើលិខិតបញ្ជាក់ពីគ្រូពេទ្យ ប្រទេសថៃដែលបានបញ្ជាក់ថា កីឡាករ វីរ៉ាឆៃ មិនអាចប្រកួតបានដោយរង់ ចាំរហូតដល់ខែធ្នូទើបឡើងសង្វៀន ប្រកួតបានព្រោះរបួសមានសភាពធ្ងន់ ធ្ងរ ។
ពាក់ព័ន្ធនិងលិខិតបញ្ជាក់របស់គ្រូ ពេទ្យប្រទេសថៃខាងលើនេះដែរ លោក សេង កដិកា បានច្រានចោលដោយ លោកអះអាងថា កម្មវិធីមិនអាចរង់ចាំ ជំងឺរបស់កីឡាករ វីរ៉ាឆៃ រហូតដល់ខែធ្នូ បានទេមិនសបា្ដហ៍នេះមិនឃើញបង្ហាញវត្ដមានចូលរួមទេគណៈកម្មការរៀបចំ ការប្រកួតចាត់ទុកថា វីរ៉ាឆៃ បោះបង់ ការប្រកួតវគ្គផ្ដាច់ព្រ័ត្រ ។
គួររំលឹកថា ការប្រកួតដណ្ដើមខ្សែ ក្រវាត់ស៊ីម៉ងត៍អូដ្ឋរដូវកាលទី១មាន កីឡាករ២នាក់បានរងរបួសធ្ងន់ធ្ងរ ទី១- កីឡាករ ថៃ ប៊ុនហ៊ាន ត្រូវកីឡាករ វ៉ាន់ ចាន់វ៉េត ទាត់ឱ្យបាក់ឆ្អឹងដៃ និងទី២- កីឡាករ Weerachai Menayuthin បែក ឆ្អឹងច្រមុះដោយរងស្នៀតវាយកែងរបស់កីឡាករ ឈាន ហុង វគ្គពាក់កណ្ដាល ផ្ដាច់ព្រ័ត្រ ។ កីឡាករ វ៉ាន់ ចាន់វ៉េត បានរង់ចាំមកដល់វគ្គផ្ដាច់ព្រ័ត្រយ៉ាង អន្ទះសាពីព្រោះកីឡាករដែលខ្លួនត្រូវ ប្រកួតក្នុងវគ្គនេះបានសុំពន្យារពេល ប្រកួតម្ដងហើយម្ដងទៀត ។
តាមកម្មវិធីគ្រោងទុកក្រៅពីជំនួប ប្រកួតវគ្គផ្ដាច់ព្រ័ត្ររវាងកីឡាករ វ៉ាន់ ចាន់វ៉េត នឹងកីឡាករ វីរ៉ា ឆៃ ហើយនោះ ក៏នៅមានកីឡាករល្អៗមួយចំនួនទៀត ដូចជាកីឡាករ យ៉ាម រ៉េត មកពីក្លិប រស្មីកុមារកំព្រាប្រកួតជាមួយកីឡាករ ប៉ាន់ ពិសិដ្ឋ មកពីក្លិបកងពលតូច លេខ៧០ កីឡាករឡាញ់ ផល្លា មកពីក្លិប អេភូថងកីឡាប្រកួតជាមួយកីឡាករទូច វីរៈ មកពីក្លិបចន្ទបូរីវង្សកីឡា ៕
ដោយ៖ សារីម
