ខេត្តកណ្តាល៖ នៅថ្ងៃទី១៧ ខែវិច្ឆិកា ឆ្នាំ២០១៥ នាវេលាម៉ោង១២និង៣០នាទី មានការប្រទះឃើញសាកសពអណ្តែតទឹកនៅចំណុចកំពង់ដរវត្តសិត្បូ ភូមិសិត្បូ ឃុំសិត្បូ ស្រុកស្អាង ខេត្តកណ្តាល ។
ជនរងគ្រោះភេទប្រុស អាយុ ប្រហែលចន្លោះ២៥-៣០ឆ្នាំ ពុំស្គាល់អត្តសញ្ញាណ មានសភាពហើមស្អុយ ស្លៀកខោខូវប៊យពណ៌ទឹកបិចជើងវែង ពាក់អាវយឺតដៃវែង ពណ៌កាហ្វេឆ្នូតស សក់ស្លូត សម្បុរខ្មៅស្រអែម មានកំពស់ ១.៦៧ម៉ែត្រ ។
ក្រុមជំនាញបច្ចេកទេសស្រុក ប៉ុស្តិ៍រដ្ឋបាលឃុំសិត្បូ មេភូមិ និងក្រុមប្រឹក្សាឃុំ បានចុះពិនិត្យសាកសពជាក់ស្តែង ។
សាកសព មានសភាពហើមស្អុយ នៅលើខ្លួនមានសាក់រូបលើទ្រូងឆ្វេង(មើលមិនច្បាស់)សាក់រូបមនុស្ស និងក្បាលខ្មោច(ពេញលើខ្នង)និងពុំមានស្លាកស្នាមអី្វគួរឲ្យធ្វើការកត់សម្គាល់ឡើយ ។
តាមការសន្និដ្ឋានបឋម របស់មន្ត្រីជំនាញសាកសពនេះស្លាប់ដោយសារលង់ទឹក មានរយៈពេល៣ថ្ងៃមកហើយ។
សពត្រូវបានប្រគល់ជូនគណៈកម្មការវត្តសិត្បូបញ្ចុះទុកនៅកន្ទុយដី របស់វត្ត រង់ចាំ រកសាច់ញាតិ ក្រុមគ្រួសារ ៕
ដោយ៖ ស្អាងជ័យ