ខេត្តកំពង់ឆ្នាំង៖  មនុស្សស្រីប្រុសចំនួន៦នាក់បានរងរបួសធ្ងន់និងស្រាល នៅក្នុងឧប្បត្តិហេតុគ្រោះថ្នាក់ចរាចរណ៍មួយដែលបង្កឡើងដោយរថយន្តពីរគ្រឿងបុកគ្នាពេញមួយទំហឹង ។

ហេតុការណ៍នេះបានកើតឡើងកាលពីវេលាម៉ោង៤ និង៣០នាទីល្ងាចថ្ងៃទី២៣ ខែវិច្ឆិកា ឆ្នាំ២០១៥ចន្លោះគីឡូម៉ែត្រលេខ៨៦ និង គីឡូម៉ែត្រលេខ៨៧ នៅលើកំណាត់ផ្លូវជាតិលេខ៥  នៅភូមិទួលខ្សាច់ ឃុំជ្រៃបាក់ ស្រុករលាប្អៀរ ខេត្តកំពង់ឆ្នាំង ។

សមត្ថកិច្ចបានអោយដឹងថា នៅមុនពេលកើតហេតុមានរថយន្តដមួយគ្រឿង ម៉ាកតូយ៉ូតា កាមរីឆ្លាម១គ្រឿង ពាក់ស្លាកលេខ កំពង់ធំ 2A-0727 ធ្វើដំណើរ ក្នុងកទិសដៅពីជើងទៅត្បូង ពេលមកដល់ចំណុចកើតហេតុស្រាប់តែមានរថយន្តម៉ាកនីសាន់មួយគ្រឿងពាក់ស្លាកលេខភ្នំពេញ 2J-2357ដែលបើកក្នុងទិសដៅផ្ទុយគ្នា បានបើកយ៉ាងលឿនហើយជែងរថយន្តមួយគ្រឿងនៅពីមុខ ក៍ជ្រុលទៅបុករថយន្តកាមរីពេញមួយទំហឹងតែម្តង បណ្តាលអោយអ្នកធ្វើដំណើរក្នុងរថយន្តទាំងពីរគ្រឿងរងរបួសធ្ងន់និងស្រាលចំនួន៦នាក់ ចំពោះអ្នករងរបួសធ្ងន់ចំនួន៤នាក់ ត្រូវបានដឹកយកទៅសង្គ្រោះនៅមន្ទីរពេទ្យបង្អែកខេត្តកំពង់ឆ្នាំង ។

ចំណែកឯមធ្យោបាយបង្កទាំងពីរ ត្រូវបានយកទៅរក្សាទុកនៅការិយាល័យចរាចរណ៍ផ្លូវគោកនៃស្នងការដ្ឋាននគរបាលខេត្តំពង់ឆ្នាំង  ដើម្បីរង់ចាំធ្វើការដោះស្រាយតាមនីតិវិធី ៕

ដោយ៖ ចន្ថា