ខេត្ដកណ្ដាល៖ ប្រជាពលរដ្ឋប្រមាណ ជាង១០០នាក់បានប្រតិកម្មនិងផ្ដិតមេដៃ ប្ដឹងលោក ប៉ាង សុធា រស់នៅភ្នំពេញនិង ឈ្មោះ សៅ សំណាង រស់នៅភូមិកំពង់ ប្រាសាទ ឃុំស្វាយអំពារ ស្រុកមុខកំពូល ដោយចោទថាបានរំលោភជីកស្រះចិញ្ចឹម ត្រីក្នុងអាងមេទឹកបឹងអន្ទាក់និងហ៊ុមព័ទ្ធ ទំនប់ដើម្បីធ្វើអាជីវកម្មចិញ្ចឹមត្រីឆ្ដោ ខុសច្បាប់ធ្វើឱ្យប៉ះពាល់ដល់ប្រជាពលរដ្ឋ ដែលយកទឹកបឹងនេះមកប្រើប្រាស់និង ស្រោចស្រពដំណាំ ។
នៅក្នុងបណ្ដឹងប្រជាពលរដ្ឋរស់នៅភូមិ ឈើទាលភ្លោះ ឃុំស្វាយអំពារ ស្រុក មុខកំពូល ចូលទៅក្រសួងស្ថាប័ននិងអាជ្ញា ធរពាក់ព័ន្ធបានស្នើឱ្យក្រសួងស្ថាប័ននិង អាជ្ញាធរពាក់ព័ន្ធមានចំណាត់ការទៅលើ លោកប៉ាង សុធា និងលោក សៅ សំណាង ដែលបានរំលោភយកដីបឹងដើម្បីជីក ស្រះចិញ្ចឹមត្រីឆ្ដោដោយខុសច្បាប់នៅ ក្នុងអាងទឹកបឹងអន្ទាក់ធ្វើឱ្យប៉ះពាល់ដល់ ការប្រើប្រាស់ទឹកនៅទីនោះរបស់បងប្អូន ប្រជាពលរដ្ឋក្នុងភូមិនិងខ្វះទឹកយកមក ស្រោចស្រពស្រូវប្រាំងព្រមទាំងផលដំណាំ មួយចំនួនទៀត ។ បច្ចុប្បន្នបុគ្គលទាំង២ នាក់ខាងលើនេះពុំមានការខ្លាចក្រែង ដល់ក្រសួងមន្ទីរពាក់ព័ន្ធនិងអាជ្ញាធរដែន ដីនោះទេ គឺបានជីកស្រះធ្វើជាកម្មសិទ្ធិ រំលោភលើដីបឹងជាបឹងសាធារណៈរបស់ប្រជាពលរដ្ឋដែលយកទឹកបឹងនេះប្រើ ប្រាស់ជាច្រើនឆ្នាំមកហើយ ។
ប្រជាពលរដ្ឋបានឱ្យដឹងថា បុគ្គល ឈ្មោះ ប៉ាង សុធា បច្ចុប្បន្នរស់នៅភ្នំពេញ និងជាមន្ដ្រីច្បាប់មួយរូបហើយបានមក ជីកស្រះរំលោភហ៊ុមព័ទ្ធយកដីបឹងប្រមាណ ជា៣ហិកតានិងឈ្មោះ សៅ សំណាង រំលោភយកប្រមាណ១ហិកតាដែរ ។
ជុំវិញប្រតិកម្មរបស់បងប្អូនប្រជាពល រដ្ឋខាងលើនេះបានកើតឡើងជាបន្ដបន្ទាប់ ប៉ុន្ដែពុំត្រូវបានអាជ្ញាធរមូលដ្ឋានរកដំណោះ ស្រាយជូនប្រជាពលរដ្ឋនោះទេរហូតមាន ការសង្ស័យថា អាជ្ញាធរមូលរដ្ឋានបិទ ភ្នែកទទួលលាភសក្ការៈឱ្យបុគ្គលទាំង២ នេះរំលោភយកដីបឹងធ្វើជាកម្មសិទ្ធិទៀត ផង ។
អ្នកស្រី ជួន ស្រីពៅ មេឃុំស្វាយអំពារ បានប្រាប់អ្នកយកព័ត៌មានថា លោកស្រី មិនបានអនុញ្ញាតឱ្យបុគ្គលទាំង២នាក់ នេះជីកស្រះក្នុងបឹងអន្ទាក់នេះទេព្រោះបឹងអន្ទាក់ជាបឹងមេទឹក ហើយកាលដែល មានគេយកឈ្មោះលោកស្រីថាបានអនុ ញ្ញាតឱ្យជីកនោះពុំពិតនិងត្រឹមត្រូវឡើយ។
បើទោះជាមានការលើកឡើងរបស់ លោកស្រីមេឃុំបែបនេះក៏ដោយប្រជាពល រដ្ឋបានលើកឡើងថា អ្វីដែលលោកស្រី មេឃុំបដិសេធមិនបានដឹងនោះគឺជារឿង ឆាកកំប្លែងសុទ្ធសាទក្នុងនាមជាមេឃុំ ត្រូវតែដឹងព្រោះមេឃុំជាភ្នែកចម្រុះមើល ការខុសត្រូវទ្រព្យសម្បត្ដិសាធារណៈក្នុង ឃុំ ។ ប្រជាពលរដ្ឋបានលើកឡើងទៀតថា នេះគ្រាន់ជាលេសដោះសាកុំឱ្យប្រជាពល រដ្ឋដឹងតែប៉ុណ្ណោះតាមកាពិតទៅបុគ្គល ទាំង២នាក់នោះមិនមែនមកលួចជីកស្រះ ដោយស្ងាត់ៗនោះទេ ។ ដូច្នេះអាជ្ញាធរ មូលដ្ឋានមិនអាចឆ្លើយយករួចខ្លួនឡើយ។ មួយវិញទៀតបុគ្គលទាំង២នាក់នេះបានលួចចិញ្ចឹមត្រីឆ្ដោរាប់តោននៅក្នុងស្រះ ដែលកើតឡើងជាយូរមកហើយតែបើ និយាយថា ត្រូវគ្នានោះវាល្អជាង ។
ទាក់ទិននឹងប្រជាពលរដ្ឋប្ដឹងរកអន្ដរា គមន៍ពីក្រសួងមន្ទីរពាក់ព័ន្ធព្រមទាំង អាជ្ញាធរមានសមត្ថកិច្ចចំពោះបុគ្គល២ នាក់រំលោភយកដីបឹងនេះដែលលោក សៅ សំណាង ជាម្ចាស់ស្រះទំហំ១ហិកតា បាននិយាយថា ធម្មតាលោកជីកស្រះ ចិញ្ចឹមត្រីមិនអាចគ្មានច្បាប់នោះទេបើសិនជាភូមិ-ឃុំមិនអនុញ្ញាត ហើយបើ គ្មានច្បាប់លោកក៏មិនអាចធ្វើអាជីវកម្ម នៅទីនោះបានដែរ ។ លោកបានបន្ដថា ចំពោះការចិញ្ចឹមត្រីឆ្ដោមិនមានអ្នកណាគេឱ្យច្បាប់ទេគឺរូបគាត់ចេះតែចិញ្ចឹមៗ ទៅទុកស្រះឱ្យនៅទំនេរវាអត់ប្រយោជន៍ ដល់ពេលណាគេឃាត់ចាំឈប់ ។
ចំណែកលោក ប៉ាង សុធា ម្ចាស់ស្រះ ទំហំ៣ហិកតានិងកំព*ុងជីកបន្ដនៅពេល បច្ចុប្បន្ននេះមិនអាចរកពន្យល់បកស្រាយ ចំពោះប្រតិកម្មនិងការចោទប្រកាន់របស់ ប្រជាពលរដ្ឋដែលរំលោភយកដីបឹង អន្ទាក់នេះបានទេ ។
ជុំវិញករណីដដែលនេះបើតាមមន្ដ្រី សាលាស្រុកមុខកំពូលម្នាក់បានបង្ហើបឱ្យដឹងថា រឿងនេះបើគ្មានការស៊ីញ៉េលក់ដី បឹងពីអាជ្ញាធរទេក៏បុគ្គលទាំង២នាក់ខាង លើនេះមិនហ៊ានជីកស្រះរំលោភដីបឹង ចិញ្ចឹមត្រីបានដែរ ៕
ដោយ៖ ឡូ សំអាត
