កម្ពុជា-រុស្ស៊ីបានចុះហត្ថលេខាលើ ឯកសារចំនួន១០

ចែករំលែក៖

ភ្នំពេញ៖ កន្លងមករដ្ឋាភិបាលសហ ព័ន្ធរុស្ស៊ីបានលុបចោលបំណុលដែលកម្ពុជា ជំពាក់នៅក្នុងសម័យសង្គ្រាមជាថវិកា ចំនួន១.៥០០លានដុល្លារហើយបាន សម្រេចលុបអស់៧០ភាគរយរួចមក ហើយក្ដីតែសង្ឃឹមថ្មីមួយនៅក្នុងឱកាស ដែលនាយករដ្ឋមន្ដ្រីរុស្ស៊ីមកបំពេញ ទស្សនកិច្ចនៅកម្ពុជាមេដឹកនាំរដ្ឋាភិ បាលកម្ពុជាក៏បានស្នើឡើងបញ្ហានេះជាបន្ដទៀតហើយភាគីរុស្ស៊ីបានព្រមព្រៀងនឹងពិចារណាដោយវិជ្ជមាន ។ ការស្នើ ឡើងឱ្យរុស្ស៊ីពិចារណាពីបញ្ហាបំណុល ដែលកម្ពុជាជំពាក់នេះត្រូវបានប្រមុខ រាជរដ្ឋាភិបាលកម្ពុជាលើកឡើងក្នុង ដំណើរទស្សនកិច្ចផ្លូវការនិងជាប្រវត្ដិ សាស្ដ្ររបស់នាយករដ្ឋមន្ដ្រីរុស្ស៊ីនៅព្រះរាជាណាចក្រកម្ពុជា ។

ដំណើរទស្សនកិច្ចរយៈពេល៣ថ្ងៃនៅកម្ពុជានៅព្រឹកថ្ងៃទី២៤ ខែវិច្ឆិកា ឆ្នាំ ២០១៥ លោកនាយករដ្ឋមន្ដ្រីរុស្ស៊ី ឌីម៉េ ទ្រី មេដវេដេវ (Dmitry Medvedev) ត្រូវបានសម្ដេចអគ្គមហាសេនាបតី តេជោ ហ៊ុន សែន នាយករដ្ឋមន្ដ្រីនៃព្រះ រាជាណាចក្រកម្ពុជាទទួលបដិសណ្ឋារ កិច្ចផ្លូវការនិងចរចាទ្វេភាគីនៅវិមាន សន្ដិភាពទីស្ដីការនាយករដ្ឋមន្ដ្រី ។

លោក អ៊ាង សុផល្លែត ជំនួយការ សម្ដេចតេជោបានប្រាប់អ្នកសារព័ត៌ មានថា នៅក្នុងជំនួបចរចាផ្លូវការបាន សម្ដេចតេជោ ហ៊ុន សែន បានថ្លែង អំណរគុណយ៉ាងជ្រាលជ្រៅជូនចំពោះ សហព័ន្ធរុស្ស៊ីដែលបានជួយដល់ប្រទេសកម្ពុជា ពិសេសបន្ទាប់ពីក្រោយថ្ងៃរំដោះ ៧មករាឆ្នាំ១៩៧៩រុស្ស៊ីបានជួយកម្ពុជាឱ្យរស់រានមានជីវិតបន្ទាប់ពីរបបប្រល័យពូជសាសន៍ ប៉ុល ពត បានជួយបណ្ដុះ បណ្ដាលធនធានមនុស្សនៅកម្ពុជា ។

សម្ដេចតេជៅក៏បានស្នើសុំធ្វើយ៉ាង ណាឱ្យពង្រីកទំហំពាណិជ្ជកម្មជាមួយ កម្ពុជានិងស្នើសុំឱ្យសហព័ន្ធរុស្ស៊ីនាំអង្ករចេញពីកម្ពុជាក៏ដូចជាវាយភណ្ឌពីកម្ពុជា និងផលិតផលផ្សេងៗទៀត ជាពិសេស ជំរុញវិនិយោគទុនរុស្ស៊ីមកវិនិយោគនៅកម្ពុជាដើម្បីជំរុញឧស្សាហកម្មកែច្នៃ ផលិតផលកសិកម្មកម្ពុជាដើម្បីឱ្យក្លាយ ជាផលិតផលសម្រេចដើម្បីនាំចេញពី ប្រទេសរុស្ស៊ីក៏បានស្នើសុំធ្វើយ៉ាងណា ជំរុញវិនិយោគទុនរុស្ស៊ីមកវិនិយោគលើវិស័យទេសចរណ៍នៅកម្ពុជាតាមរយៈការ ភ្ជាប់ការហោះហើរត្រង់ពីរុស្ស៊ីមកកម្ពុជា។ ជាទីបញ្ចប់សម្ដេចបានស្នើឱ្យរុស្ស៊ីបន្ដ ផ្ដល់អាហារូបករណ៍ឱ្យកម្ពុជាផងដែរ ។

ជាការឆ្លើយតបលោកនាយករដ្ឋ មន្ដ្រីរុស្ស៊ីបានឯកភាពទាំងស្រុងចំពោះ ការលើកឡើងរបស់សម្ដេចតេជោ ហ៊ុន សែន ក្នុងន័យនេះដើម្បីជំរុញលើកស្ទួយ ការវិនិយោគលើវិស័យកសិកម្ម ឧស្សា ហកម្ម ថាមពល បច្ចេកវិទ្យា ព័ត៌មាន វិទ្យាដើម្បីធ្វើឱ្យមានលំហូរទំនិញកម្ពុជា ទៅកាន់ប្រទេសរុស្ស៊ី ។

ជាចុងក្រោយលោកនាយករដ្ឋមន្ដ្រី បានឯកភាពផ្ដល់ជូនកម្ពុជានូវអាហា រូបករណ៍បន្ថែមដល់និស្សិតកម្ពុជាដើម្បីបន្ដសិក្សានៅប្រទេសរុស្ស៊ី ។

ក្រោយពីជំនួបបញ្ចប់សម្ដេចតេជោ ហ៊ុន សែន និងលោក Dmitry Med- vedev បានអញ្ជើញជាសាក្សីក្នុងពិធីចុះ ហត្ថលេខាលើឯកសារចំនួន១០រួមមាន8

ទី១-កិច្ចព្រមព្រៀងស្ដីពីសេវាកម្ម ដឹកជញ្ជូនតាមផ្លូវអាកាសរវាងរាជរដ្ឋាភិបាលនៃព្រះរាជាណាចក្រកម្ពុជានឹងរដ្ឋាភិបាលនៃសហព័ន្ធរុស្ស៊ីចុះហត្ថលេខា ដោយលោក ម៉ៅ ហាវណ្ណាល់ រដ្ឋលេខា ធិការនៃរដ្ឋលេខាធិការដ្ឋានអាកាសចរណ៍ស៊ីវិលនិងលោក Evgeny Ditrikh អនុ រដ្ឋមន្ដ្រីទី១នៃក្រសួងដឹកជញ្ជូនសហព័ន្ធ រុស្ស៊ី ។

ទី២-កិច្ចព្រមព្រៀងស្ដីពីការផ្លាស់ប្ដូរ ព័ត៌មានសម្អាតប្រាក់និងហិរញ្ញប្បទាន ភេរវកម្មរវាងអង្គភាពស៊ើបការណ៍ ហិរញ្ញវត្ថុកម្ពុជានឹងអង្គភាពត្រួតពិនិត្យហិរញ្ញវត្ថុរុស្ស៊ីចុះហត្ថលេខាដោយលោក ជា ចាន់តូ ទេសាភិបាលនៃធនាគារជាតិ នៃកម្ពុជា និងលោកYury Chikhanchin ប្រធានអង្គភាពត្រួតពិនិត្យសេវាហិរញ្ញវត្ថុសហព័ន្ធរុស្ស៊ី ។

ទី៣-កិច្ចព្រមព្រៀងស្ដីពីកិច្ចសហប្រតិ បត្ដិការនិងកិច្ចព្រមព្រៀងបំពេញបន្ថែម រវាងទីភ្នាក់ងារសារព័ត៌មានកម្ពុជា (AKP)នឹងទីភ្នាក់ងារសារព័ត៌មានSPUTNIK ចុះហត្ថលេខាដោយលោកស្រី សុខ មុំនិមល មគ្គនាយិកាទីភ្នាក់ងារ សារព័ត៌មានកម្ពុជា និងលោក Pavel Andrerv អនុប្រធានបោះពុម្ពផ្សាយនៃ ទីភ្នាក់ងារសារព័ត៌មានអន្ដរជាតិ ROS- SIYA SEGODNYA នៃសហព័ន្ធរុស្ស៊ី។

ទី៤-កិច្ចព្រមព្រៀងស្ដីពីកិច្ចសហ ការនិងកិច្ចសហប្រតិបត្ដិការរវាងគណបក្សប្រជាជនកម្ពុជានឹងគណបក្សរុស្ស៊ី រួបរួមចុះហត្ថលេខាដោយលោកឧប នាយករដ្ឋមន្ដ្រី សុខ អាន សមាជិកគណៈ អចិន្ដ្រៃយ៍នៃគណៈកម្មាធិការកណ្ដាលនៃគណបក្សប្រជាជនកម្ពុជា និងលោក Andrey Klimov សមាជិកប្រេស៊ីឌី យោមនៃអគ្គក្រុមប្រឹក្សានៃគណបក្ស នយោបាយទាំងអស់របស់រុស្ស៊ី ។

ទី៥-អនុស្សរណៈស្ដីពីកិច្ចសហប្រតិ បត្ដិការរវាងក្រសួងសុខាភិបាលនៃព្រះ រាជាណាចក្រកម្ពុជានឹងក្រសួងសុខាភិ បាលនៃសហព័ន្ធរុស្ស៊ីស្ដីពីកិច្ចសហការ ក្នុងវិស័យសុខាភិបាលចុះហត្ថលេខា ដោយលោក ម៉ម ប៊ុនហេង រដ្ឋមន្ដ្រី ក្រសួងសុខាភិបាល និងលោក Dmitry Tsvetkov ឯកអគ្គរដ្ឋទូតរុស្ស៊ីប្រចាំព្រះ រាជាណាចក្រកម្ពុជា ។

ទី៦-អនុស្សរណៈយោគយល់គ្នារវាង ក្រសួងវប្បធម៌និងវិចិត្រសិល្បៈនៃព្រះ រាជាណាចក្រកម្ពុជានឹងក្រសួងវប្បធម៌ នៃសហព័ន្ធរុស្ស៊ីចុះហត្ថលេខាដោយលោក ស្រី ភឿង សកុណារដ្ឋមន្ដ្រីក្រសួងវប្ប ធម៌និងវិចិត្រសិល្បៈ និងលោក Dmitry Tsvetkov ឯកអគ្គរដ្ឋទូតសហព័ន្ធរុស្ស៊ី ប្រចាំព្រះរាជាណាចក្រកម្ពុជា ។

ទី៧-អនុស្សរណៈយោគយល់គ្នារវាង វិទ្យុជាតិកម្ពុជានឹងទីភ្នាក់ងារសារព័ត៌ មានSPUTNIK ចុះហត្ថលេខាដោយ លោក ទន់ សារ៉ាត់ អគ្គនាយកវិទ្យុជាតិ កម្ពុជា និងលោក Pavel Adreev អនុ ប្រធានបោះពុម្ភផ្សាយនៃទីភ្នាក់ងារព័ត៌មានអន្ដរជាតិ ROSSIYA SEGOD- NYA នៃសហព័ន្ធរុស្ស៊ី ។

ទី៨-អនុស្សរណៈយោគយល់គ្នាស្ដីពី ការសម្រួលការវិនិយោគទុនរវាងក្រុម ប្រឹក្សាអភិវឌ្ឍន៍កម្ពុជានឹងក្រសួងអភិវឌ្ឍន៍ សេដ្ឋកិច្ចនៃសហព័ន្ធរុស្ស៊ីចុះហត្ថលេខា ដោយលោក សុខ ចិន្ដាសោភា រដ្ឋមន្ដ្រី ប្រតិភូអមនាយករដ្ឋមន្ដ្រីនិងជាអគ្គ លេខាធិការក្រុមប្រឹក្សាអភិវឌ្ឍន៍កម្ពុជា និងលោក Alexey Likhachev អនុរដ្ឋ មន្ដ្រីទី១ក្រសួងអភិវឌ្ឍន៍សេដ្ឋកិច្ចសហព័ន្ធរុស្ស៊ី ។

ទី៩-អនុស្សរណៈយោគយល់គ្នាស្ដីពី កិច្ចសហប្រតិបត្ដិការក្នុងការប្រើប្រាស់ថាមពលបរមាណូសម្រាប់បម្រើឱ្យគោល ដៅអភិវឌ្ឍន៍ដោយសន្ដិភាពរវាងក្រុម ប្រឹក្សាជាតិអភិវឌ្ឍន៍ដោយចីរភាពនៃ ព្រះរាជាណាចក្រកម្ពុជានឹងសាជីវកម្ម ថាមពលបរមាណូរបស់រដ្ឋ(ROSA- TOM)ចុះហត្ថលេខាដោយលោក សាយ សំអាល់ រដ្ឋមន្ដ្រីក្រសួងបរិស្ថាន និង លោក Nikolay Spasskiy នាយកប្រតិ បត្ដិរងទំនាក់ទំនងអន្ដរជាតិនៃសាជីវកម្មថាមពលបរមាណូរដ្ឋ (ROSATOM )។

ទី១០-លក្ខខណ្ឌការងារនៃក្រុមការ ងារជាន់ខ្ពស់ស្ដីពីការជំរុញគម្រោងវិនិ យោគអាទិភាពរួមរវាងកម្ពុជា-រុស្ស៊ីចុះ ហត្ថលេខាដោយលោកតំណាងក្រសួង ពាណិជ្ជកម្មព្រះរាជាណាចក្រកម្ពុជានិង លោក Alexey Likhachev អនុរដ្ឋមន្ដ្រី ទី១ក្រសួងអភិវឌ្ឍន៍សេដ្ឋកិច្ចនៃសហ ព័ន្ធរុស្ស៊ី ។

បន្ទាប់មកសម្ដេចអគ្គមហាសេនា បតីតេជោ ហ៊ុន សែន នាយករដ្ឋមន្ដ្រី បានរៀបចំលៀងសាយភោជន៍ជូនជា មហាកិត្ដិយសចំពោះលោក ឌីម៉េទ្រី មេដវេដេវ (Dmitry Medvedev) និង គណៈប្រតិភូអមដំណើរទាំងអស់ផងដែរ។

សូមបញ្ជាក់ថា ទំនាក់ទំនងរវាងព្រះ រាជាណាចក្រកម្ពុជានឹងសហព័ន្ធរុស្ស៊ី (អតីតសហភាពសូវៀត)បានភ្ជាប់ ទំនាក់នៅថ្ងៃទី១៣ ខែឧសភា ឆ្នាំ១៩៥៦ រវាងព្រះបរមរតនកោដ ្ឋព្រះមហាវីរ ក្សត្រព្រះបាទសម្ដេច នរោត្ដម សីហនុ និងលោក នីគីតា គ្រូឆេវ អគ្គលេខាបក្ស សហភាពសូវៀត តែទំនាក់ទំនងនេះត្រូវ បានកាត់ផ្ដាច់នៅឆ្នាំ១៩៧៥នៅពេលខ្មែរក្រហមឡើងកាន់អំណាច ។ ក្រោយមក ទំនាក់ទំនងរវាងកម្ពុជានិងរុស្ស៊ីក៏បាន តភ្ជាប់ឡើងវិញក្រោយពេលរបបអាវ ខ្មៅរបស់ប៉ុល ពត អៀង សារី ខៀវ សំផន ត្រូវបានវាយផ្ដួលរលំនៅថ្ងៃទី៧ ខែមករា ឆ្នាំ១៩៧៩ ។

ទំនាក់ទំនងរវាងកម្ពុជានឹងអតីត សហភាពសូវៀតត្រូវបានគេពិព័រណ៌នាថាមានភាពស្អិតល្មួតខ្លាំងណាស់រហូត ដល់ឆ្នាំ១៩៩១ ហើយរុស្ស៊ីគឺជាប្រទេស ដ៏ធំមួយដែលបានជួយកម្ពុជាស្ទើរគ្រប់ វិស័យបូករួមទាំងការអប់រំផងដែរ។ មាន និស្សិតកម្ពុជាជាច្រើនទាំងក្នុងសម័យ សង្គមរាស្ដ្រនិយមរបស់សម្ដេចព្រះ នរោត្ដម សីហនុ និងក្នុងរបបរដ្ឋកម្ពុជា ត្រូវបានបញ្ជូនទៅសិក្សានៅក្នុងប្រទេសរុស្ស៊ី ។ ក្នុងនោះមាននិស្សិត និងអ្នក ជំនាញសរុបជាង៨.០០០នាក់បានទទួលការសិក្សានៅសហព័ន្ធរុស្ស៊ីនិងអតីត សហភាពសូវៀត ។ ព្រមជាមួយគ្នានេះ ទោះបីជាមានទំនាក់ទំនងល្អយ៉ាងណាក្ដី តែមកដល់បច្ចុប្បន្នកម្ពុជានៅជំពាក់ បំណុលរុស្ស៊ីជាច្រើនហើយកំពុងស្នើរុស្ស៊ី លុបបំណុលឬបង្វែរទៅជាជំនួយសម្រាប់ ការអភិវឌ្ឍនៅកម្ពុជា ។ បំណុលដែល កម្ពុជានៅជំពាក់រុស្ស៊ីក្នុងសម័យសង្គ្រាម មានសរុបប្រមាណ១ពាន់៥០០លាន ដុល្លារ ប៉ុន្ដែទាំងពេលកន្លងមកនិងក្នុង ឱកាសទស្សនកិច្ចនេះ៧០ភាគរយនៃ បំណុលនោះត្រូវបានរុស្ស៊ីលុបចោល ។

ដំណើរទស្សនកិច្ចរបស់លោកនាយក រដ្ឋមន្ដ្រីរុស្ស៊ីនៅកម្ពុជានេះក្រោយពី ទស្សនាព្រះបរមរាជវាំងនៅពេលរសៀល លោក Dmitry Medvedev នឹងឡើង យន្ដហោះចាកចេញពីរាជធានីភ្នំពេញ ទៅកាន់ទីក្រុងមូស្គូវិញនៅរសៀលថ្ងៃទី ២៤ ខែវិច្ឆិកា ឆ្នាំ២០១៥ ៕