ភ្នំពេញ៖ មនុស្ស៣នាក់បានរងរបួសធ្ងន់ស្រាលខណះជួបគ្រោះថ្នាក់ចរាចររវាងម៉ូតូបុកនិងម៉ូតូ។កាលពីម៉ោង៦និង៤០នាទីព្រឹកថ្ងៃទី២២ខែកញ្ញាឆ្នាំ២០១៨មុខករ៉ាស់សាំងតេលា តាមបណ្តាោផ្លូវ១៩៨៦ក្នុងសង្កាត់ភ្នំពេញថ្មី ខណ្ឌសែនសុខរាជធានីភ្នំពេញ។

ប្រភពពីកន្លែងកើតហេតុបានអោយដឹងថា នៅមុនពេលកើតហេតុគេឃើញមានសិស្សសាលាប្រុសស្រី២នាក់បងប្អូនបានបើកម៉ូតូ១គ្រឿងម៉ាកស្គូបពីព័ណស ពាក់ស្លាកលេខភ្នំពេញ 1BP.3662 ជិះឌុបគ្នាក្នុងទិសដៅពីលិចទៅកើតចំណែកភាគីម្ខាងទៀតជិះម៉ូតូ១គ្រឿងម៉ាកហុងដាសេ១២៥សេរីឆ្នាំ២០១៣ព័ណខ្មៅពាក់ស្លាកលេខ រតនគីរី 1C.1146 ជិះម្នាក់ឯងក្នុងទិសដៅពីកើតទៅលិចបញ្ច្រាស់គ្នាលុះមកដល់ចំណុចកើតស្រាប់តែម៉ូតូទាំងពីគ្រឿងបានបុកគ្នាបណ្តាលអោយបុរសម្នាក់ដែលគេដឹងថាគាត់ជាអ្នកប្រកបរបរត់ម៉ូតូឌុបនោះរងរបួសបាក់កជើងខាងឆ្វេងចំណែកប្អូនប្រុសស្រី២នាក់ទៀតរងរបួសស្រាល។

ក្រោយកើតហេតុអ្នករងរបួសធ្ងន់ត្រូវបានរថយន្តដឹកយកទៅព្យាបាលនៅមន្ទីរពេទ្យចំណែកប្អូនប្រុសស្រីទាំង២នាក់ដែលរងរបួសស្រាលក៍ទៅព្យាបាលនៅមន្ទីពេទ្យផងដែ។ចំណែកម៉ូតូទាំង២គ្រឿងសមត្ថកិច្ចនគរបាលចរាចរមកធ្វើការវាស់វែងនិងយកទៅរក្សារទុកនៅអធិការដ្ឋាននគរបាលខណ្ឌសែនសុខដើម្បីរងចាំដោះស្រាយគ្នានៅពេលក្រោយ៕