សមាជិក១២នាក់នៅលើនាវាដឹកទំនិញ របស់ប្រទេសស្វីស ត្រូវបានចាប់ខ្លួនធ្វើជាចំណាប់ខ្មាំងក្រោយពេលក្រុមចោរសមុទ្រ បើកការវាយប្រហារប្លន់ នៅតំបន់សមុទ្រ ប្រទេសនីហ្សេរីយ៉ា។
សារព័ត៌មាន CNN បានដកស្រង់ការប្រកាសរបស់ក្រុមហ៊ុនដឹកជញ្ជូន Massoel Shipping ដែលជាម្ចាស់កម្មសិទ្ធនាវា MV Glarus ត្រូវក្រុមចោរសមុទ្រប្លន់ ពេលកំពុងដឹកជញ្ជូន ម្សៅមី អង្ករ ពីទីក្រុង Lagos ទៅកាន់កំពង់ផែ Harcourt ក្នុងប្រទេសនីហ្ស៊ីរីយ៉ាដូចគ្នា ។
សារព័ត៌មានCNN បានដកស្រង់ព័ត៌មានពីក្រុមហ៊ុនដឹកជញ្ជូន ឲ្យដឹងថា «ក្រុមចោរសមុទ្របានឡើងទៅលើនាវាដឹកទំនិញ Glarus រួចចូលទៅកាន់ បន្ទាប់ បញ្ជារបើកបរ ។ក្រុមចោរបានបំផ្លាញ ប្រព័ន្ធទំនាក់ទំនង និងចាប់នាវឹក១២នាក់ ក្នុងចំណោមនាវឹក១៩នាក់ធ្វើជាចំណាប់ខ្មាំង»។
លោកស្រី Noemie Charton អ្នកនាំពាក្យក្រសួងការបរទេសស្វីស បានឲ្យដឹងថា៖ ទទួលបានព័ត៌មានពីហេតុការខាងលើ ។ លោកស្រីបញ្ជាក់ទៀតថា នៅលើនាវាគ្មាននាវឹកជាជនជាតិស្វីសនោះឡើយ។ នៅពេលនេះក្រសួងការបរទេស ស្វីស បានទំនាក់ទំនងជាមួយម្ចាស់នាវា។
សារព័ត៌មាន រ៉យទ័របានផ្សាយថា៖ តាមមជ្ឈមណ្ឌុល គ្រប់គ្រងចរាចរណ៍ដែនសមុទ្រ នីហ្សេរីយ៉ាងបានឲ្យដឹងថា៖ នាវឹកដែលត្រូវចោរសមុទ្រចាប់ខ្លួន មាន ជនជាតិ ហ្វីលីពីន ស្លូវ៉ានៀ អ៊ុយក្រែន រ៉ូម៉ានី ក្រូអាត និង ប៊ូស្នៀ។
ការចាប់ជំរិតទាប្រាក់តែងតែកើនមានឡើងនៅតំបន់មួយចំនួនក្នុងទ្វីបអាហ្វ្រិក។ ប៉ុន្មានឆ្នាំកន្លងមក ចំនួនជនបរទេសដែល ចាប់ជំរិតនៅតំបន់ខ្ពង់រាប ភាគខាងត្បូងប្រទេសណៃជឺ បានកើតឡើងជាបន្តបន្ទាប់។
នៅតំបន់សមុទ្រ Guinea មាននាវឹកសរុប៣៥នាក់ រងការចាប់ធ្វើជាចំណាប់ខ្មាំង ក្នុងរយៈពីដើមឆ្នាំ២០១៨មកទល់ពេលនេះ ។ ក្រុមអ្នកវិភាគបានលើកឡើងថាការចាប់ជុំរិញកាន់តែកើនឡើងនៅក្នុងតំបន់ ទ្វីបអាហ្វ្រិក៕
ដោយ៖ មែវ សាធី
