ខេត្តកំពង់ឆ្នាំង ៖ លោកតាម្នាក់បានស្លាប់ភ្លាមៗនៅនឹងកន្លែងកើតហេតុ និង មនុស្ស៤នាក់ផ្សេងទៀតបានរងរបួស​​​ធ្ងន់និងស្រាល នៅក្នុងឧប្បត្តិហេតុគ្រោះថ្នាក់ចរាចរណ៍មួយដែលបង្ករឡើងដោយម៉ូតូមួយគ្រឿង ទៅបុកម៉ូតូលោកតាដែលកំពុងឌុបគ្នា កាលពីវេលាម៉ោង ៦និង៣០នាទី នៅលើខ្នងទំនប់ចិន ផ្លូវលំ ភូមិជាងហ្លួង ឃុំពន្លៃ  ស្រុកបរិបូណ៍ ខេត្តកំពង់ឆ្នាំង។

សមត្ថកិច្ចបានអោយដឹងថា ជនគ្រោះក្នុងឧប្បត្តិហេតុនេះ ១. សៀ ស៊ានភេទប្រុស អាយុ៧២ឆ្នាំ ស្លាប់នៅកន្លែងកើតហេតុ ២.ឈ្មោះ សំ កាន់ រងរបួសធ្ងន់  ជាប្រពន្ធ អាយុ៦៧ឆ្នាំ ទាំងពីរនាក់ប្តីប្រពន្ធនេះ រស់នៅក្នុងសាលាឃុំ ឃុំពពេល ស្រុកបរិបូរណ៍ ខេត្តកំពង់ឆ្នាំង ។ ៣.ឈ្មោះ ជួន ប្រាក់ ភេទប្រុស អាយុ ១៤ឆ្នាំ ៤.ឈ្មោះ វណ្ណា ភេទប្រុស អាយុ១២ឆ្នាំ និង ៥ .ឈ្មោះគុយ ភេទប្រុស អាយុ១១ឆ្នាំ ជនរងគ្រោះទាំង៣នាក់នេះ រងរបួសធ្ងន់និងស្រាល រស់នៅក្នុងភូមិអូ ឃុំពន្លៃ ស្រុកបរិបូរណ៍ ខេត្តកំពង់ឆ្នាំង ។

សមត្ថកិច្ចបានអោយដឹងថា នៅមុនពេលកើតហេតុ លោកតា សៀ ស៊ាន បានឌុបគ្នា២នាក់ប្តីនិងប្រពន្ធ ជិះម៉ូងម៉ាកហុងដា សេ៩០ អត់ស្លាកលេខ ធ្វើដំណើរ កើតទៅលិច នៅពេលមកដល់ចំណុចកើតហេតុ ក៏ក្មេងស្ទាវ៣​នាក់ ជិះម៉ូតូម៉ាកហុងដាសេ១២៥ ឌុបគ្នា ក្នុងទិសដៅបញ្ច្រាស់គ្នា បានបើកយ៉ាងលឿន ពេលដល់ចំណុចកើតហេតុដែលជាកន្លែងផ្លូវកោង ក៏បានបុកម៉ូតូយាយតា ទាំងពីនាក់ បណ្តាលអោយម៉ូតូ១គ្រឿងរបស់ជនបង្ករ ប៉ើងធ្លាក់ចូលប្រឡាយទឹក និង រងរបួសរដូករណែលែម្តង ហើយបានបង្ករអោយស្លាប់ជនគ្រោះម្នាក់ភ្លាមៗនៅកន្លែងកើតហេតុតែម្តង ។

ជនរងគ្រោះត្រូវបានដឹកយកមកសង្រ្គោះនៅមន្ទីរបង្អែកស្រុកបរិបូរណ៍ផងដែរ ៕ ចន្ថា