ខេត្តសៀមរាប៖​ យ៉ាងហោចណាស់មានជនសង្ស័យមុខសញ្ញាគ្រឿងញៀនចំនួន០៥នាក់ត្រូវបានកម្លាំងអាវុធហត្ថធ្វើការឃាត់ខ្លួនដែលហេតុការណ៍នេះបានកើតឡើងនៅវេលាម៉ោង២៖​០០នាទី​ រំលង​អាធ្រាត្រ​ឈានចូល ថ្ងៃទី២៥ ខែកញ្ញា ឆ្នាំ២០១៨​ កម្លាំង​ កងរាជអាវុធហត្ថខេត្តសៀមរាបបានចុះបង្ក្រាបករណីរក្សាទុក ដឹកជញ្ជូនឬជួញដូរដោយខុសច្បាប់នូវសារធាតុញៀននៅចំណុចភូមិដកពោធិ៍​ សង្កាត់​ស្លក្រាមក្រុងសៀមរាប ខេត្តសៀមរាប ។

ក្នុងនោះឃាត់ខ្លួនជនសង្ស័យចំនួន៥នាក់ និងចាប់យកវត្ថុតាងម្សៅក្រាមពណ៌ស​ ឬ​ ម៉ាទឹកកក​ ចំនួន៣០​កញ្ចប់ ៧៥៣.១០ក្រាម និងទូរស័ព្ទ ៣គ្រឿង។

បច្ចុប្បន្នជនសង្ស័យនិងវត្ថុតាង ត្រូវបានមន្ត្រីជំនាញកងរាជអាវុធហត្ថខេត្តកសាងសំណុំរឿង បញ្ជូនទៅ​អយ្យការ​អម​សាលាដំបូង​ខេត្ត​សៀមរាប​ ៕ ប៊ុនរិទ្ធី