ភ្នំពេញ៖ នារីម្នាក់រួមនិងមិត្តភក្តិពីរនាក់ទៀតស្រវឹងបើករថយន្ដកាមរីឆ្លាមមួយគ្រឿងក្នុងល្បឿនលឿនជ្រុលទៅបុករថយន្ដ ណាវ៉ារ៉ា ពីក្រោយពេញទំហឹងបណ្ដាលអោយបុរសម្នាក់ដែលអង្គុយលើជញ្ជាំងរថយន្ដ ណាវ៉ារ៉ាធ្លាក់ពីលើរថយន្ដរងរបួសស្រាលនិងរថយន្ដរងរការខូចខាតទាំងសងខាង ។
ហេតុគ្រោះថ្នាក់ចរាចរណ៍នេះបានកើតឡើងកាលពីវេលាម៉ោង១និង៣០នាទី រំលងអធ្រាត្រ ឈានចូលថ្ងៃទី២៧ ខែវិច្ឆិកា ឆ្នាំ២០១៥ នៅតាមបណ្ដោយមហាវិថី ព្រះនរោតម្ដ ទល់មុខមុន្ទីរពេទ្យ ព្រះអង្គដួង ស្ថិតក្នុងសង្កាត់ ផ្សារចាស់ ខណ្ឌដូនពេញ រាជធានីភ្នំពេញ ។
ប្រភពព័ត៌មានពីសាក្សីដែលបាមឃើញហេតយការណ៍បានអោយដឹងថា នៅមុនពេលកើតហេតុគេបានឃើញមានរថយន្ដម៉ាក ណាវ៉ារ៉ា ពណ៍សរ ពាកលស្លាកលេខ ភ្នំពេញ 2AE-0700 បើបរដោយបុរសម្នាក់ និងមានបុរសបីនាក់ទៀតជិះលើរថយន្ដដោយអង្គុយលើជញ្ជាំងរថយន្ដខាងក្រោយ និងធ្វើដំណើរតាមបណ្ដោយមហាវិថីព្រះនរោត្តមបើកក្នុង ទិសដៅពីត្បូងទៅជើងលុះមកដល់ចំណុចកើតហេតុមានរថយន្ដមួយគ្រឿងទៀតម៉ាក កាមរីឆ្លាម ពណ៍ស្ករ ពាក់ស្លាកលេខ ភ្នំពេញ2N-2590 បើកបរដោយនារីម្នាក់និងរួមដំណើរជាមួយមិត្តភ័ក្ដពីរនាក់ទៀតស្ថិតក្នុងស្ថានភាពស្រវឹងជោគជាំ ខ្វះការប្រុងប្រយ័ត្ន ធ្វើដំណើរស្របទិសគ្នាបានជ្រុលបុករថយន្ត NAVARA ពីក្រោយពេញទំហឹងបណ្ដាលអោយបុរសម្នាក់ដែលអង្គុយលើជញ្ជាំងរថយន្ដធ្លាក់ពីលើរថយន្ដរងរបួសស្រាលត្រូវបានបញ្ជូនទៅសង្គ្រោះនៅមុន្ទីរពេទ្យភ្លាមៗ ចំណែករថយន្ដរងការខូចខាតទាំងសងខាងទាំងស្រុង ។
សមត្ថកិច្ចប្រាប់ថា គ្រោះថ្នាក់ចរាចរណ៍ខាងលើនេះ បណ្តាលមកពីភាគីខាងរថយន្តCAMARYបើកបរស្ថិតក្នុងស្ថានភាពស្រវឹងស្រាជោគជាំ និងបើកបរលឿនខ្វះការប្រុងប្រយ័ត្ន មិនគោរពច្បាប់ចរាចរណ៍ ទើបបង្កអោយមានគ្រោះថ្នាក់យ៉ាងនេះ ។
ក្រោយកើតហេតុកម្លាំងសមត្ថកិច្ចមូលដ្ឋានបានចុះដល់កន្លែងកើតហេតុនិងសម្របសម្រួលដោយភាគីខាងរថយន្ដ កាមរីឆ្លាមនិងព្រមទទួលកំហុស ព្រមសងថ្លៃខូចខាតទៅអោយខាងរថយន្ដ ណាវ៉ារ៉ា ចំនួន ១៥០ដូល្លា ដើម្បីបញ្ចប់រឿងនៅកន្លែងកើតហេតុតែម្ដង ៕
ដោយ៖ ព្រែកជ័យ
