ខេត្តសឹ្ទងត្រែង៖ សេចក្តីរាយការណ៍ពីសំណាក់ប្រជាពលរដ្ឋក៍ដូចអ្នកតាមដានបានឲ្យដឹងថាៈ មានឈើប្រភេទធ្នង់ជាច្រើនកំណាត់ មានមុខកាត់២០ ទៅ២៥សង់ទីម៉ែត្រ ប្រវែង២ម៉ែត្រ ទៅ៣ម៉ែត្រ។ ជារបស់ឈ្មួញលាក់ទុក នៅចំណុចភូមិអន្លង់ស្អំ ជាប់និងភូមិមន ឃុំអន្លង់ជ្រៃ ក្នុងស្រុកថាឡាបរិវ៉ាត់ គ្មានអ្នកបង្ក្រាប នោះទេ ។
លោក រី រស្មី នាយសង្កាត់រដ្ឋបាលព្រៃឈើស្រុកថាឡាបរិវ៉ាត់ បានឲ្យដឹងថាៈ ឈើដែលឈ្មួញលាក់ទុកនៅចំណុចភូមិអន្លង់ស្អំ លោកបានដឹងដូចគ្នាប៉ុន្តែគ្មានកម្លាំងទៅបង្ក្រាបឲ្យទាន់ពេលវេលានោះទេ។ដោយសារតែបែងចែកកម្លាំងមិនគ្រប់គ្រាន់អញ្ចឹងហើយឈើដែលឈ្មួញលាក់ទុកនៅចំណុចភូមិអន្លង់ស្អំខាងលើនោះរងចាំចុះបង្ក្រានៅពេលក្រោយ ក៍មិនទាន់ហួសពេលដែរ។
ប្រភពព័ត៍មានពីប្រជាពលរដ្ឋបានឲ្យដឹងថា ឈើប្រណីតរាប់រយកំណាត់ ដែលឈ្មួញដឹកជញ្ជូនតាមគោយន្តកន្ត្រៃចេញពីអូរឈ្នង់ យកមកលាក់ទុកនៅលើដីឡូក្នុងភូមិអន្លង់ស្អំ ស្ថិតនៅក្នុងស្រុកថាឡាបរិវ៉ាត់ម្ចាស់ឈើឈ្មោះ ឆាយ លី ជាឈ្មួញរកស៊ីដុះស្លែរស់នៅក្រុងសឹ្ទងត្រែង។ ពុំមានសមត្ថកិច្ចនិងជំនាញណាហ៊ានបង្ក្រាប នោះឡើយ។
បច្ចុប្បន្នឈើរាប់រយកំណាត់ប្រភេទធ្នង់ខាងលើនោះ គេសង្ស័យថាៈឃុបឃិតជាមួយជំនាញ កំពុងដឹកចេញបណ្តើរៗ ចូលមកកាន់ខេត្តសឹ្ទងត្រែង។ បន្លំជាមួយឈើក្រុមហ៊ុន ហើយគេស្គាល់មេការម្នាក់ឈ្មោះ សា រ៉ាត់ ជាដៃស្តាំរបស់ឧកញ៉ាម្នាក់ ។ មេការរូបនេះគេបានអះអាងថាៈ ឈើដែលលាក់ទុកនៅចំណុចភូមិអន្លង់ស្អំនោះ ជាឈើរបស់ប្អូនធម៍ ហើយក៍មានភាគហ៊ុនជាមួយគ្នាផងដែរ ៕
ដោយ៖ សហការី
