ប្រធានាធិបតីទួរគីប្រកាសមិនសុំទោសហើយទាមទារឱ្យរុស្ស៊ីឱ្យសុំទោសវិញ

ចែករំលែក៖

ឆ្លើយតបទៅនឹងបទសម្ភាសន៍ជាមួយ បណ្ដាញព័ត៌មាន CNN ប្រធានាធិបតី ទួរគីលោក Tayyip Edogan ប្រកាសថា ប្រទេសរបស់លោកមិនសុំទោសរុស្ស៊ី ឡើយក្រោយបាញ់ទម្លាក់យន្ដហោះចម្បាំង Su 34 របស់រុស្ស៊ីនោះ។

rsd

លោក Edogan បញ្ជាក់ថា “ខ្ញុំគិត ថាប្រសិនបើភាគីណាមួយត្រូវសុំទោសក្នុងហេតុការណ៍ខាងលើនោះមានតែរុស្ស៊ី ប៉ុណ្ណោះដែលត្រូវសុំទោសទួរគីទៅវិញ ទេដោយសារតែរុស្ស៊ីបានហោះហើរចូលដែនអាកាសរបស់ទួរគី ។ ក្រុមអាកាស យានិកក៏ដូចជាកម្លាំងប្រដាប់អាវុធរបស់ យើងមានភារកិច្ចការពារតាមតួនាទីរបស់ ខ្លួនតែប៉ុណ្ណោះ ដោយបាញ់ទម្លាក់យន្ដ ហោះដែលចូលដែនអាកាសដោយគ្មានការអនុញ្ញាត”។ លោកបន្ដទៀតថា នៅពេលនេះបើមានយន្ដហោះណាមួយបន្ដចូលទឹកដីរបស់ខ្លួននោះក៏នឹងមាន ហេតុការណ៍ខាងលើកើតឡើងដូចគ្នា។

ទួរគីបញ្ជាក់ទៀតថា ការបាញ់ទម្លាក់ យន្ដហោះចម្បាំងរបស់រុស្ស៊ីនោះដោយសារតែយន្ដហោះនោះមិនស្ដាប់តាមការ ព្រមានរបស់ភាគីទួរគីទើបត្រូវបង្ខំចិត្ដធ្វើបែបនេះ។

សកម្មភាពខាងលើបង្កឱ្យមានភាពតានតឹងកាន់តែខ្លាំងឡើងរវាងរុស្ស៊ីនឹងទួរគី ។ សារព័ត៌មានំិររៀរ របស់អង់គ្លេសបានផ្សាយថា ទួរគីបានបញ្ជូនរថក្រោះ២០គ្រឿងនិងយន្ដហោះចម្បាំង៨គ្រឿងចូលរួមយាមល្បាតនៅព្រំដែនជាប់ប្រទេសស៊ីរី។ សកម្មភាពខាងលើហាក់បីដូចជាបានត្រៀមលក្ខណៈទប់ទល់ជាមួយរុស្ស៊ី ខ្លាចរុស្សីវាយប្រហារសងសឹកវិញ។

ក៏ប៉ុន្ដែភាគីរុស្ស៊ីបានបញ្ជាក់ថារុស្ស៊ីមិនប្រើប្រាស់ហិង្សា ឬអាវុធសម្រាប់វាយប្រហារទៅលើប្រទេសទួរគីនោះឡើយដោយប្រើប្រាស់វិស័យសេដ្ឋកិច្ចសម្រាប់វាយប្រហារវិញម្ដង។ រុស្ស៊ីបានថ្កោលទោសទួរគី ថាមានចេតនាបង្ករឿងនិងបង្អាក់បេសកកម្មរបស់រុស្ស៊ីក្នុងការកម្ទេចក្រុមជីហាដនៅឯក្រុងម៉ូស្គូ ស្ថានទូតតួរគីត្រូវបានក្រុមបាតុករយកដុំថ្មគប់និងវាយកម្ទេច។ ហេតុការណ៍បាញ់ទម្លាក់យន្ដហោះរុស្ស៊ីនៅស៊ីរីធ្វើឱ្យគេមើលឃើញកាន់តែច្បាស់អំពីភាពស្ទាក់ស្ទើររបស់ទួរគីក្នុងការចូលរួមកម្ទេចក្រុមជីហាដអង្គការរដ្ឋអ៊ិឱស្លាម។

វិមានក្រឹមឡាំង បានប្រកាសឱ្យដឹងនៅថ្ងៃព្រហស្បតិ៍ ទី២៦ ខែវិច្ឆិកាថា រុស្ស៊ីកំពុងត្រៀមអនុវត្ដវិធានការមួយចំនួនដើម្បីឆ្លើយតបឱ្យសមទៅនឹងទង្វើរបស់ទួរគី។ ទង្វើទួរគីដែលបានបាញ់ទម្លាក់យន្ដហោះចម្បាំងរុស្ស៊ីបានធ្វើឱ្យរុស្ស៊ីចោទប្រកាន់ថា មេដឹកនាំរបស់ទួរគីមានចេតនាបង្កររឿង ហើយម្យ៉ាងទៀតគឺសបញ្ជាក់ពីចេតនារបស់ទួរគីក្នុងការបំផ្លាញការខិតខំប្រឹងប្រែងរបស់អន្ដរជាតិដែលម្នាក់ៗកំពុងខ្នះខ្នែងបោសសម្អាតក្រុមជីហាដអង្គការរដ្ឋអ៊ិបស្លាម។ តែផ្ទុយទៅវិញទួរគីកំពុងយកជើងរាទឹក។

រុស្ស៊ីរឹតតែក្ដៅចិត្ដព្រោះមកទល់ពេលនេះ ខាងទួរគីនៅមិនទាន់សម្ដែងការសុំទោសជាសាធារណៈ ឬមួយស្នើសុំចេញសងថ្លៃជំងឺចិត្ដមកខាងរុស្ស៊ីទេ។ យ៉ាងណាមិញ លោក រដ្ឋមន្ដ្រីការបរទេសទួរគីបានបញ្ជាក់ថា ទួរគីគ្មានថ្ងៃមកសុំទោសរុស្ស៊ីជាដាច់ខាតក្នុងរឿងនេះ។ ក្រោមការបង្គាប់ពីប្រធានាធិបតីពូទីន លោក មេត វេដេវ នាយករដ្ឋមន្ដ្រីរុស្ស៊ី បានកោះប្រជុំរដ្ឋមន្ដ្រីពាក់ព័ន្ធដើម្បីដាក់វិធានការមួយចំនួនដើម្បីសងសឹកទួរគី។វិធានការទាំងនោះមានទាក់ទងដល់វិស័យជំនួញការនាំចេញនាំចូលរបស់ផលិតផលទួរគី វិស័យទេសចរណ៍ និងការដាក់ទុនវិនិយោគជាដើម។ បុគ្គលិកទួរគីដែលកំពុងតែធ្វើការនៅរុស្ស៊ី ក៏អាចនឹងត្រូវបញ្ឈរជើងផងដែរ។ ក្នុងមួយឆ្នាំៗ មានអ្នកទេសចរណ៍រុស្ស៊ីដែលទៅកម្សាន្ដនៅទួរគីចំនួនយ៉ាងហោចណាស់៤លាននាក់ក្នុងមួយឆ្នាំ។

ក្រោយព្រឹត្ដិការណ៍បាញ់ទម្លាក់យន្ដហោះ រដ្ឋាភិបាលរុស្ស៊ី បានហាមប្រាម មិនឱ្យអ្នកទេសចរណ៍រុស្ស៊ីទៅលេងនៅទួរគីទៀតទេ។ទាក់ទឹននឹងវិស័យនាំចេញនាំចូល មានផលិតផលកសិកម្មជាច្រើនរបស់ទួរគីដែលអាចនឹងជួបការលំបាក។ ពន្ធនាំចូលនឹងត្រូវដំឡើង ចំណែកលក្ខខណ្ឌអនាម័យ និងសុខភាពនៃផលិតផលរបស់ទួរគី ដែលនាំចូលរុស្ស៊ីនឹងត្រូវគេត្រួតពិនិត្យយ៉ាងតឹងតែង ៕

rsd (1)