ខេត្តកំពង់ស្ពឺ៖ នៅវេលាម៉ោង១៨និង៥០នាទីព្រលប់ថ្ងៃទី២៨ ខែវិច្ឆិកា ឆ្នាំ២០១៥នេះ ក្រុមចោរកំពុងធ្វើសកម្មភាពប្លន់ផ្ទះជាងកាត់សក់ម្នាក់ឈ្មោះពូវឿន ដែលជាប្រធានពន្ធដារខេត្តកណ្ដាល នៅចំណុចផ្សារវត្តអង្គ ស្រុកគងពិសី ខេត្តកំពង់ស្ពឺ។ ប៉ុន្តែពេលនេះក្រុមចោរកំពុងបាញ់តដៃជាមួយកងកម្លាំងប្រដាប់អាវុធ ដែលចេញប្រតិបត្តិការបង្ក្រាបក្រុមចោរទាំងនោះ ។
គិតមកត្រឹមម៉ោង៧ព្រលប់ថ្ងៃដដែលនេះ សមត្ថកិច្ចមិនទាន់អនុញ្ញាតឲ្យអ្នកសារព័ត៌មានចូលផ្ដិតយករូបភាព និងព័ត៌មាននៅឡើយទេ ដោយសារខ្លាចគ្រោះថ្នាក់ដល់ជីវិត ព្រោះក្រុមចោរបានបាញ់ចេញពីផ្ទះនោះតែម្ដង ។
សេចក្ដីរាយការណ៍បានបន្តទៀតថា នៅវេលាម៉ោង១៩ និង២០នាទីនេះ សមត្ថកិច្ច ក៏ដូចកម្លាំងការពារសន្តិសុខទាំងអស់ ដោយមានបទបញ្ជាពីថ្នាក់ដឹកនាំជាន់ខ្ពស់ធំៗផង កំពុងឡោមព័ទ្ធចោរប្លន់ ហើយកំពុងតែផ្ទុះអាវុធដាក់គ្នានៅឡើយ ៕
