ភ្នំពេញ៖ នារីម្នាក់សំរេចចិត្តធ្វើអត្តឃាតចង.ករហូតទើបមានការភ្ញាក់ផ្អើលត្រូវអ្នកជិតខាងដឹកមកមន្ទីរពេទ្យកាល់ម៉ែតតែបានស្លាប់បាត់ទៅហើយ កាលពីវេលាម៉ោង៧ និង៣០នាទីយប់ ថ្ងៃទី៣០ ខែវិច្ឆិកាឆ្នាំ ២០១៥ នៅក្នុងបន្ទប់ជួលលេខ២១០ ផ្ទះលេខ១១B ផ្លូវលេខ១០១ ក្រុម១៩ ភូមិ៦ សង្កាត់បឹងត្របែក ខណ្ឌចំការមន រាជធានីភ្នំពេញ ។
បើតាមសម្តីពីអ្នកជិតខាងបានឲ្យដឹងថា បន្ទាប់ពីមានការសង្ស័យទើបនាំគ្នាទៅ ប្រាប់ម្ចាស់ផ្ទះឲ្យមកគាស់ទ្វារចូលទៅមើល ក៏ឃើញនារីខាងលើយកក្រមាចង.កនឹងសសរដែក ក៏ត្រូវអ្នកជិតខាងនាំគ្នាដឹកទៅមន្ទីរពេទ្យកាល់ម៉ែតតែបានស្លាប់បាត់ទៅហើយ ក្រោយពីសមត្ថកិច្ចចុះមកពិនិត្យធ្វើកោសល្យវិច័យហើយនោះបានប្រាប់ក្រុមគ្រួសារជនរងគ្រោះបានចង.កខ្លួនឯងមែន ។
សពមានឈ្មោះ ហង្ស តុលា អាយុ២៨ឆ្នាំ មុខរបរនៅផ្ទះ ស្នាក់នៅបន្ទប់ជួលកើតហេតុខាងលើ មានស្រុកកំណើត ខេត្តពោធិ៍សាត់ ។ អ្នកជិតខាងបន្តទៀតថា សង្ស័យនាងមានវិបាត់ស្នេហា ។
បើតាមរយៈសាច់ញាតិនារីរងគ្រោះបានឲ្យដឹងថា បញ្ហាដែលនាំឲ្យនាងសំរេចចិត្តធ្វើអត្តឃាតចង.ក ដោយសារតែមានបញ្ហាសេដ្ឋកិច្ច និងម្យ៉ាងទៀត អាចមានវិបត្តិជាមួយសង្សាររបស់នាងផង ។
បន្ទាប់ពីធ្វើកោសល្យវិច័យរួចហើយសពត្រូវបានប្រគល់ឲ្យសាច់ញាតិដឹកយកទៅធ្វើបុណ្យតាម ប្រពៃណីនៅស្រុកកំណើត ៕
...
ដោយ៖ ស រស្មី
