ខេត្តកំពង់ចាម៖ លោកឧត្តមសេនីយ៍ បែន រ័ត្ន ស្នងការនគរបាលខេត្តកំពង់ចាមបានបញ្ជាក់ឲដឹងថា ក្នុងពេលដែលកម្លាំងនគរបាលកំពុងប្រទាក់ក្រឡាតាមប្រមាញ់គ្រប់ទីកន្លែងទាំងក្នុងនិងក្រៅខេត្តក៏ដូចតាមមាត់ច្រកព្រំដែនផង នោះ កម្លាំងយើងបានប្រទះឃើញសាកសពដែលឡានកិនខ្ទេចក្បាលម្នាក់ ដែលយើងសង្ស័យថា ជាឃាតក អេង ធី ដែលសម្លាប់ឪពុកម្តាយក្មេក ប្រពន្ធកូន ។
លោកឧត្តមសេនីយបន្តថា សពជនសង្ស័យ ត្រូវប្រទះឃើញនៅវេលាម៉ោង ប្រមាណ៩និង១៥នាទីយប់ថ្ងៃទិ០១ធ្នូ ២០១៥ ត្រង់ចំណុចតាមបណ្តោយផ្លូវលំក្នុងភូមិវាលធំ ឃុំគគីធំ ស្រុកបារាយណ៍ ខេត្តកំពង់ធំ (កន្លែងកើតហេតុមានចម្ងាយ៥ គម ពីព្រំប្រទល់ខេត្តកំពង់ចាម និង ប្រមាណ ៨គម ពីផ្ទះ ឃាតករ និងក៏ជាកន្លែងដែលឃាតករធ្លាប់មកសុីឈ្នួលលើកថ្មគេផងដែរ និងក៏ជាគោលដៅ១ក្នុងចំណោមគោលដៅជាច្រើនដែលយើងត្រូវប្រទាក់ក្រឡាតាម ។ លោកបន្តថា សភាពសាកសពបែកខ្ទេចក្បាលមើលមិនយល់ហើយរថយន្តបានគេចខ្លួនបាត់ ។
លោកឧត្តមេសនីយ៍ស្នងការក៏បានបញ្ជាក់បន្ថែមឲបានដឹងថា ដើម្បីដោះស្រាយភាពសង្ស័យ យើងបានទៅដឹកសាក្សីចំនួន៨នាក់ពិសេសឈ្មោះ លន់ ភឿនដែលបានផឹកសុីជាមួយ បានទៅជួយពន្លត់ភ្លើងជាមួយឪក្មេកឃាតករ និងត្រូវបានឃាតករដេញកាប់ពេលនោះដែរ បានអះអាងថាពឹតជាខ្មោច អេង ធី ដោយចំណាំខោអាវ សម្លាកលើខ្លួន ៘
និងដើម្បីអោយកាន់តែសុក្រឹត ស្របតាមនិតិវិធីដែលច្បាប់បានកំណត់ ផ្នែក នគរបាលបច្ចេកទេសវិទ្យាសាស្រ្តខេត្ត បានផ្តិតយកក្រយ៉ៅដៃរបស់សាកសពដើម្បីផ្ទៀងផ្ទាត់និងក្រយ៉ៅដៃក្នុងម៉ាសុិនកុំព្យូទរ័ដែលឃាតករបានមកធ្វើអត្តសញ្ញាណបណ្ណក្នុងពេលកន្លងទៅ ។ ក្នុងចំណោមសាក្សីទាំង៨មាន៣ជាសំខាន់គឺអ្នកត្រូវវាដេញកាប់១ កូនដើម១ និងប្អូនថ្លៃប្រពន្ធវា១ គឺ១ លន់ ភឿន រូបមានក្រមារុំក អ្នកដែលត្រូវវាដេញកាប់ដែររ២ យាន រដ្ឋា ជាកូនរបស់ប្តីមុន(នារីរងគ្រោះធ្លាប់មានប្តី៣) អាវក្រឡាដៃវែង។ ៣ រឿន សុភ័ក្រ ជាប្អូនថ្លៃរបស់នារីរងគ្រោះ អាវ សដៃខ្លី។ ៤ ថេង ធុយ ជាអ្នកជឹតខាង រូប ពាក់វ៉ែនតា។៥ ស្រី សាង ជាអ្នកជឹតខាង រូបពាក់អាវយឺត។៦ ប៑ី សែ ជាអ្នកជឹតខាង រូបពាក់អាវ ស ឆ្នូតដៃខ្លី។៧ សាំង ដារឹន ជាអ្នកជឹតខាង អាវឆ្នូតដៃវែង៊៨ ប៑ុម គា ជាអ្នកជឹតខាងពាក់អាវខ្មៅ ។
បច្ចុប្បន្នខ្មោចសត្វតិរិច្ឆាននេះត្រូវបានប្រគល់អោយប៉ុស្តិនគរបាលគគីធំ ស្រុកបារាយ ខេត្តកំពង់ធំ ចាត់ការតាមនិតិវិធីបន្ត ៕
ដោយ៖ វណ្ណះ
