ភ្នំពេញ៖ បុរសម្នាក់ ខណៈកំពុងជិះម៉ូតូដឹកបន្លែ ស្រាប់តែមាននារីពីនាក់ជិះបញ្ច្រាស់ទិសចរាចរណ៍មកបុកពីមុខពេញទំហឹងបណ្ដាលឲ្យរងរបួសធ្ងន់ស្រាល៣នាក់ ។
កាលពីវេលាម៉ោង២និង២០នាទីយប់រំលងអាធ្រាត្រ ឈានចូលថ្ងៃទី២ ខែធ្នូ ឆ្នាំ២០១៥ នៅចំណុចក្រោមស្ពានអាកាសក្បាលថ្នល់ ស្ថិតក្នុងសង្កាត់ចាក់អង្រែលើ ខណ្ឌមានជ័យ ។
បើតាមសាក្សីដែលឃើញហេតុកាណ៍នេះបានឲ្យដឹងថា មុនពេលកើតហេតុមានបុរសម្នាក់ជិះម៉ូតូម៉ាកសង់កូរ៉េ សេ១០០ ពណ៌ទ្រូយចេក ពាក់ស្លាកលខ តាកែវ 1H.8751 និងមានដឹកបន្លែយ៉ាងច្រើនលើម៉ូតូ ជិះក្នុងទិសដៅពីលិចទៅកើតបំរុងទៅផ្សារច្បារអំពៅ ខណះពេលមកដល់កន្លែងកើតហេតុ ស្រាប់តែមាននារីពីរនាក់ជិះម៉ូតូមួយគ្រឿងម៉ាកហង់ដាកូនទា ពណ៌លឿង ពាក់ស្លាកលេខភ្នំពេញ1FC.2135 ទិសដៅពីត្បូងមកជើងតាមផ្លូវចាក់អង្រែលើមកក្រោមស្ពានអាកាសក្បាលថ្នល់ ពេលដល់ចំណុចកើតហេតុ ក៏បានបទឆ្វេងទាំងលឿន ហើយជិះបញ្ចាស់ទិសគ្នាជាមួយម៉ូតូដឹកបន្លែ ស្រាប់តែបុកគ្នាពេញទំហងបណ្ដាលឲ្យនារីពីរនាក់ជិះម៉ូតូបង្កនោះរងបួសធ្ងន់ធ្ងនតែម្ដង។រីឯបុរសម្នាក់ជិះម៉ូូតូដឹងបន្លែវិញបានងរបួសស្រាល តែបន្លែផ្លែឈើដែលនៅលើម៉ូតូគាត់បានរប៉ាត់រប៉ាយពេញផ្លូវ។
ក្រោយពេលកើតហេតុនារីរងគ្រោះដែលរបួសធ្ងន់ទាំងពីរនាក់នោះត្រូវបានថយន្តសាមុយដឹកយកទៅសង្គ្រោះនៅមន្ទីពេទ្យភ្លាមៗ ចំណែកម៉ូតូទាំងពីរគ្រឿងត្រូវបានសមត្ថកិច្ចមូលដ្ឋានដឹកយកទៅរក្សាទុកនៅអធិការដ្ឋាននគរបាលខណ្ឌចំការមន រង់ចាំដោះស្រាយគ្នាតាមនីតិវិធីច្បាប់ ៕
ដោយ៖ ភារ៉ា ដង្កោ
