ភ្នំពេញ៖ នារីម្នាក់បានរងរបួសស្រាលខណៈដែលជួបគ្រោះថ្នាក់ចរាចរណ៍បង្កឡើងដោយអ្នកបេីកម៉ូតូCBRមកបុកពេញទំហឹង កាលពីវេលាម៉ោង០៦ និង៤០នាទីព្រឹកថ្ងៃទី០២ ខែធ្នូ ឆ្នាំ២០១៥ តាមបណ្តោយផ្លូវភ្នំពេញហាណូយកែងនិងផ្លូវបេតុង ក្នុងសង្កាត់ភ្នំពេញថ្មី ខណ្ឌសែនសុខ ។

អ្នកឃើញហេតុការណ៍បានអោយដឹងថា នៅមុនពេលកើតហេតុគេឃើញនារីម្នាក់ដែលមានវ័យប្រហែលជាង២០ឆ្នាំបានជិះម៉ូតូ១គ្រឿងម៉ាកicon ពណ៍សលាយក្រហម ពាក់ស្លាកលេខ ភ្នំពេញ1Y-0049 បើកបរតាមបណ្តោយផ្លូវភ្នំពេញហាណូយក្នុងទិសដៅពីជើងទៅត្បូងលុះមកដល់ចំណុចកើតហេតុនារីនោះបានបត់ឆ្វេងចូលទៅផ្លូវបេតុងស្រាប់តែមានយុវជនម្នាក់បានជិះម៉ូតូ១គ្រឿងម៉ាកហុងដាCBR ពណ៍ខ្មៅពាក់ស្លាកលេខ ភ្នំពេញ1FF-4101 បើកបរក្នុងទិសដៅពីត្បូងទៅជើងក្នុងល្បឿនលឿនចាប់ហ្វ្រាំងមិនទាន់ក៍ បុកនិងម៉ូតូនារីរងគ្រោះបណ្តោលអោយនារីនោះរងរបួសស្រាលចំណែកម៉ូតូរងការខូចខាតយ៉ាងដំណំ ដោយឡែកអ្នកបើកម៉ូតូCBRវិញមិនរងរបួសទេ ។

ក្រោយកើតហេតុក៍មាននគរបាលចរាចរណ៍ខណ្ឌសែនសុខចុះមកធ្វើការវាស់វែងនិងសម្របសម្រួលហេើយភាគីខាងម៉ូតូCBRព្រមយកម៉ូតូiconទៅជុសជុលអោយទាំងអស់ដើម្បីបញ្ចប់រឿង ៕

ដោយ៖ តុង សីហា