ដើម្បីបញ្ហានៅបញ្ហាកើតឡើង អាកាសយានឹក បើកបរយន្តហោះដឹកអធិការបតីអល្លឺម៉ង បានសម្រេចចុះចតជាបន្ទាន់ដើម្បីប្តូរយន្តហោះ បន្តដំណើរយៈពេល​១៥ម៉ោង ទៅកាន់ប្រទេសអាហ្សងទីន ។

យន្តហោះដឹកអធិការបតីអាល្លឺម៉ង លោកស្រី Angela Merkel ​ទៅចូលរួមកិច្ចប្រជុំលើកទី​១៣របស់បណ្តាមេដឹកនាំប្រទេសដែលមាសេដ្ឋកិច្ចអភិវឌ្ឍន៍ទាំង​២០ នៅលើពិភពលោក ហៅកាត់ ​G-20  នៅទីក្រុង Buenos Aires ប្រទេសអាហ្សងទីន ត្រូវបង្ខំចិត្តវិលត្រឡប់មកចុះចត់នៅអាកាសយានដ្ឋាន Cologne ​វិញ ក្រោយមួយម៉ោង​ហោះហើរ។

តាមសារព័ត៌មាន​ Bild ​របស់អាល្លឺម៉ងបានផ្សាយថា យន្តហោះ​ Airbus ​ដឹកអធិកាបតីអាល្លឺម៉ង បង្ខំចុះចត់ជាបន្ទាន់វិញ ហើយលុបចោលជើងហោះហើរ រយៈពេល​១៥ម៉ោង​ទៅកាន់អាហ្សងទីន ដោយសារតែបញ្ហាបច្ចេកទេស ។ សារព័ត៌មាន​ Bild ​បានផ្សាយថា ក្រុមពន្លិតអគ្គិភ័យ បានត្រៀមលក្ខណនៅអាកាសយានដ្ឋាន ពេលយន្តហោះចុះចត ។ ក្រុមអ្នកបើកបរឃើញមានបញ្ហាលើប្រពន្ធថាមពល លើយន្តហោះ ដូច្នេះក្រុមអាកាសយានឹកត្រូវផ្លាសប្តូរយន្តហោះថ្មី ជាជាង រងចាំជួសជុល ។ ប្រព័ន្ធផ្សព្វផ្សាយអាល្លឺម៉ងបានផ្សាយថា លោកស្រី​ Merkel នឹងទៅដល់អាល្លឺម៉ង យឺតជាង ការគ្រោងទុក​។

យន្តហោះដឹកអធិការបតីអាល្លឺម៉ង ជាប្រភេទយន្តហោះ Airbus A340-313X VIP ​ដែលមានឈ្មោះ ផ្សេងហៅថា​« Konrad Adenauer »ដែលជាឈ្មោះរបស់នាយករដ្ឋមន្ត្រី អាល្លឺម៉ងដំបូង បង្អស់កាន់អំណាចក្នុងអំឡុងឆ្នាំ​១៩៤៩ដល់ឆ្នាំ ១៩៦៣។ លោក Konrad Adenauer ក៏ធ្លាប់កាន់តំណែងជា អភិបាក្រុង Cologne មុនពេលក្លាយជានាយករដ្ឋមន្ត្រី៕