ភ្នំពេញ៖ រឿងរ៉ាវចម្រូងចម្រាស រំលោភកិច្ចសន្យារបស់អតីបេក្ខជន Cambodian Idol ម៉ៅ ហាជី បានបន្ដអូស ន្លាយអស់ជាច្រើនថ្ងៃមកហើយ ពោលគឺ ក្រោយពីបេក្ខជនរូបនេះបានសម្រេចចិត្ដ ចុះកុងត្រាជាមួយនឹងផលិតកម្មថោន។ ដោយគ្មានជម្រើសភាគីទូរទស្សន៍ហង្សមាសបានសម្រេចចិត្ដប្ដឹងអតីតបេក្ខ ជនរូបនេះទៅកាន់សាលាដំបូងរាជធានីភ្នំពេញហើយ ម៉ៅ ហាជី ប្រឈមនឹង ការចាប់ខ្លួនប្រសិនបើនៅតែបន្ដគេច ខ្លួនមិនចូលខ្លួនបំភ្លឺតាមដីការកោះហៅ របស់តុលាការនោះ ។
ម៉ៅ ហាជី នឹងត្រូវសងថ្លៃជំងឺចិត្ដ ច្រើនម៉ឺនដុល្លារជាថ្នូរនឹងការគេចចេញមិនព្រមចូលខ្លួនដោះស្រាយក្នុងពេល ក្រុមហ៊ុនហង្សមាសបានទុកឱកាសឱ្យចូល មកបកស្រាយច្រើនលើករួចទៅហើយ។ នេះបើតាមការបញ្ជាក់របស់លោក មាស រិទ្ធី អគ្គនាយករងស្ថានីយ៍ទូរទស្សន៍ហង្ស មាសថ្លែងប្រាប់អ្នកសារព័ត៌មាន ។
លោកបញ្ជាក់ថា ពេលនេះហង្ស មាសបានសម្រេចឱ្យមេធាវីដាក់ពាក្យបណ្ដឹងទៅកាន់សាលាដំបូងរាជភ្នំពេញ។ តុលាការនឹងចេញដីកាកោះហៅបេក្ខ ជនរូបនេះក្នុងពេលដ៏ខ្លីហើយបើនៅតែ មិនព្រមចូលខ្លួនដូចអ្វីដែលខាងហង្ស មាសព្យាយាមទាក់ទងទៅមិនបាន សម្រេចទៀតនោះចំណាត់ការចុងក្រោយ នឹងចុះចាប់ខ្លួនតែម្ដង ។ លោកថានៅក្នុង បណ្ដឹងនោះក្រុមហ៊ុនហង្សមាសបានកំណត់ លើការទាមទារឱ្យ ម៉ៅ ហាជី ដោះ ស្រាយបទល្មើសទៅលើ Cambodian Idol ដោយកំណត់ឱ្យសងជំងឺចិត្ដ។ លោក បញ្ជាក់ដែរថា ភាគីទូរទស្សន៍បានទុក ពេលឱ្យលោក ម៉ៅ ហាជី ជាច្រើនថ្ងៃ ហើយ ប៉ុន្ដែលទ្ធផលហាជីនៅតែបិទទូរ ស័ព្ទហើយបើលើកទូរស័ព្ទគឺគ្រាន់តែដឹងថាហង្សមាសបិទចោលតែម្ដងហេតុនេះទើបហង្សមាសបានដាក់ពាក្យបណ្ដឹង ដោយស្នើឱ្យតុលាការអនុវត្ដដីកាកោះ ហៅឬចុះចាប់ខ្លួនដើម្បីឱ្យមកដោះស្រាយ តែម្ដង ។ បន្ថែមលើនេះលោក មាស ឫទ្ធី បានលើកឡើងថាវាគឺជាការហួស ពេលហើយដែលត្រូវដោះស្រាយដោយការយោគយល់មានតែផ្លូវច្បាប់ប៉ុណ្ណោះ ព្រោះភាគីទូរទស្សន៍បានទុកពេលឱ្យលោក ម៉ៅ ហាជី ជាច្រើនថ្ងៃដើម្បីចូលខ្លួនមក ដោះស្រាយប៉ុន្ដែស្ងាត់ឈឹង ។
បេក្ខជនកម្មវិធីប្រឡងចម្រៀងកម្ម វិធី Cambodian Idol លោក ម៉ៅ ហាជី បានបញ្ជាក់ប្រាប់ថា លោកមិនបានធ្វើ អ្វីខុសជាមួយក្រុមហ៊ុនហង្សមាសទេ ហើយលោកក៏គ្មានអ្វីនឹងចូលខ្លួនទៅដោះស្រាយអីដែរ ។ លោកបញ្ជាក់ថា“ខ្ញុំបាន គោរពលក្ខខណ្ឌ Cambodian Idol ហើយ គឺប្រឡងបានចប់កម្មវិធី” ។ បន្ដពីសម្ដី ខាងលើបេក្ខជន Cambodian Idol រូប សង្ហារមុខមានប្រជាប្រិយភាពមកពី ខេត្ដបាត់ដំបងរូបនេះក៏បានបញ្ជាក់ពីព័ត៌មានដែលថាលោកចូលច្រៀងនៅផលិតកម្មថោនថា “រឿងព័ត៌មានល្បីថា ខ្ញុំចូល ច្រៀងផលិតកម្មថោននោះក៏មិនពិតទេ ហ្វេសប៊ុកគេបង្ហោះនោះហើយដែលធ្វើឱ្យខ្ញុំខូចប្រជាប្រិយភាពហើយក៏ជាដើមចមធ្វើឱ្យហង្សមាសមានការភ័ន្ដច្រឡំ នោះ” ។
លោក ម៉ៅ ហាជី បញ្ជាក់ថា “ខ្ញុំ មិនបានចុះកុងត្រាជាមួយផលិតកម្មណាទេហើយហង្សមាសក៏លោកមិនចូលដែរ គឺនៅធ្វើជាអ្នកចម្រៀងឯករាជ្យ ។ ហេតុ ផលនេះហើយទើបខ្ញុំអះអាងថា ខ្ញុំមិន បានរំលោភកុងត្រានោះអ៊ីរចឹងរឿងអីត្រូវប្ដឹងខ្ញុំទៅ” ។
គួរបញ្ជាក់ដែរថា ការចូលប្រឡង ដល់វគ្គ Live Show បេក្ខជនទាំង១២ នាក់ចុងក្រោយបានចុះកុងត្រារយៈពេលមួយឆ្នាំជាមួយក្រុមហ៊ុនទូរទស្សន៍ហង្សមាស ។ អ្នកចាត់ការទូទៅប្រចាំនៅក្នុង ផលិតកម្មថោនលោក មាស សុខរតនៈ បានបញ្ជាក់ថា លោកមិនដឹងរឿងផលិត កម្មលុបកុងត្រាចោលឬត្រូវដោះស្រាយស្រាយបែបណាដើម្បីឱ្យលោកម៉ៅ ហាជី បានក្លាយជាអ្នកចម្រៀងពេញសិទ្ធិនោះ ទេ ប៉ុន្ដែលោកគិតថា ម៉ៅ ហាជី គួរដោះ ស្រាយជាមួយទីកន្លែងចាស់ឱ្យបានរួច រាល់សិនមុនពេលក្លាយជាតារាចម្រៀង ប្រចាំផលិតកម្មថោនជាផ្លូវការ ៕
ដោយ៖ វឌ្ឍនា
