ខេត្តព្រះសីហនុ ៖ សមត្ថកិច្ចអោយដឹងថា បុរសអ្នកបើកបររថយន្តតូចមួយគ្រឿងដែលសមត្ថកិច្ចអះអាងថាជាមនុស្សមានសតិមិនសូវល្អនិងអ្នករួមដំណើរម្នាក់ទៀត បានរួចផុតពីគ្រោះថ្នាក់ដល់ជិវិត ក្រោយបើករថយន្តជ្រុលទៅបុកពីក្រោយរថយន្តដឹកទំនិញធុនធំមួយគ្រឿងនៅផ្លូវជាតិលលេខ៤ ម្តុំមុខសាលារៀនព្រៃនប់ ក្នុងឃុំព្រៃនប់ ស្រុកព្រៃនប់ខេត្តព្រះសីហនុ កាលពីវេលាម៉ោង ជិត១១ថ្ងៃត្រង់ថ្ងៃទី០៥.១២.២០១៨ ។ បើតាមសមត្ថកិច្ចដែលចុះអន្តរាគមន៍ផ្ទាល់បញ្ជាក់ថា មាន គ្រោះថ្នាក់ ។

ចរាចរណ៍នេះកើតឡើង រវាងរថយន្ត០១គ្រឿងម៉ាកហុិនដាយ ពណ៌ក្រហម ពាក់ស្លាកលេខព្រះសីហនុ ៣អា ២៧០៩ ទិសដៅពីខេត្តព្រះសីហនុ ទៅ ភ្នំពេញ អ្នកបើកបរឈ្មោះ សុខ ហុីម ភេទប្រុសអាយុ៣៩ឆ្នាំ មុខរបរបើកបរ មានទីលំនៅភូមិរោងគោឃុំ/ស្រុកសំរោងទងខេត្តកំពង់ស្ពឺ មកដល់ចំណុចកើតហេតុ ក៏មានរថយន្តមួយគ្រឿងទៀតម៉ាក កូរ៉ូឡាពណ៌ ស ពាក់ស្លាកលេខភ្នំពេញ ២J ១២៩៩ បើកបុកពីក្រោយរថយន្តហុិនដាយពេញទំហឹង បណ្តាលអោយអ្នកបើកបររថយន្តកូរ៉ូឡាឈ្មោះ ដារ៉ា ភេទប្រុស រស់នៅខេត្តព្រះសីហនុ (សតិមិនល្អ)រងរបួសស្រាល និងអ្នករួមដំណើរឈ្មោះ មម ហ៊ួយ ភេទប្រុសអាយុ៤៥ឆ្នាំ រស់នៅខេត្តកំពត រងរបួសស្រាល។

ក្រោយកើតហេតុរថយន្តម៉ាក ហុិនដាយបានបើកគេចរហូតមកដល់ភូមិសំរុងកណ្តាលឃុំសំរុងស្រុកព្រៃនប់ខេត្តព្រះសីហនុ ទើបកម្លាំងអាវុធហត្ថស្រុកធ្វើការឃាត់រថយន្តនិងអ្នកបើកបរប្រគល់ជូនកម្លាំង នគរបាល ស្រុកព្រៃនប់អនុវត្តន៍បន្ត៕ ឆ្លាម សមុទ្រ