ភ្នំពេញ៖ រឿងរ៉ាវរវាងអាជីវករដែល កំពុងប្រកបរបរលក់ដូរនៅក្នុងផ្សារទំនប់ ហៅផ្សារងិន អាន ស្ថិតនៅក្នុងភូមិទួល គោក សង្កាត់ទួលសង្កែ ខណ្ឌឫស្សីកែវ ដែលតវ៉ានិងប្រឆាំងដាច់ខាតទៅនឹង ក្រុមហ៊ុនញ៉ូរិចបានអូសបន្លាយជាបន្ដ បន្ទាប់ ហើយបញ្ហាទាំងអស់នេះនៅមិន ស្រុះស្រួលគ្នានោះទេ ដោយខាងតំណាង ក្រុមហ៊ុនញ៉ូរិចទាមទារដកហូតយក ទីតាំងផ្សារនេះមកគ្រប់គ្រង និងចាប់ ផ្ដើមដាក់លក់តូបជាថ្មីដែលធ្វើឱ្យពួក គាត់ទាំងអស់គ្នាមិនអាចទទួលយកបាន។
កាលពីម្សិលម្ង៉ៃ និងម្សិលមិញខាង តំណាងក្រុមហ៊ុនញ៉ូរិចបានចុះមកទីតាំង ផ្សារហើយប្រកាសប្រាប់ក្រុមអាជីវករ ឱ្យទៅចុះឈ្មោះសាជាថ្មីដើម្បីទិញតូប ម្ដងទៀត តែបញ្ហាទាំងនេះត្រូវបានក្រុម អាជីវករប្រឆាំងមិនឯកភាព ទើបដក កម្លាំងត្រឡប់ទៅវិញ ។ ប៉ុន្ដែរហូតដល់ រសៀលថ្ងៃទី៣ ខែធ្នូ ឆ្នាំ២០១៥ តំណាង ក្រុមហ៊ុនញ៉ូរិចបានបញ្ជូនតំណាងរបស់ ខ្លួនចូលទៅក្នុងបរិវេណផ្សារទំនប់ក្នុង គោលបំណងអូសខ្សែភ្លើងថ្មីសម្រាប់ឱ្យ ក្រុមអាជីវករប្រើប្រាស់ដោយភ្លើងចាស់ អាចនឹងកាត់ផ្ដាច់ចោល ។ ប៉ុន្ដែក្រុម អាជីវកររាប់សិបនាក់បានប្រមូលផ្ដុំ តវ៉ាប្រឆាំងម្ដងទៀតថាពួកគាត់មិនព្រម ជាដាច់ខាត រួចក៏នាំគ្នាទាញទ្វារបិទ ។
តំណាងអាជីវករក៏ដូចជាក្រុមអាជីវករទាំងអស់បានលើកឡើងថា រយៈពេល ជាង១ខែមកនេះក្រុមហ៊ុនញ៉ូរិចបានធ្វើ បាបពួកគាត់ស្ទើរតែលក់ដូរមិនបាន ដោយប្រើគ្រប់រូបភាពដើម្បីទាមទារ និងចូលកាន់កាប់តំបន់ផ្សារទំនប់នេះ ។
ពួកគាត់បានបញ្ជាក់ថា រវាងក្រុម ហ៊ុនញ៉ូរិចនឹងអ្នកវិនិយោគនៅក្នុងស្រុក គឺលោក អ៊ូ សេដ្ឋានូ កំពុងដោះស្រាយ គ្នានៅតុលាការ ចុះហេតុអ្វីបានជាក្រុម ហ៊ុនបែរប្រើកម្លាំងរបស់ខ្លួនមកបំផុស បំផុលបែបនេះ?
ពួកគាត់បានបន្ដទៀតថា ការលក់ដូរ និងជួលតូបពីលោក អ៊ូ សេដ្ឋានូ រយៈ ពេល៣ឆ្នាំកន្លងទៅនេះពួកគាត់រកលុយ បង់មិនទាន់បានគ្រប់ផង ហើយលោក អ៊ូ សេដ្ឋានូ ដែលជាអ្នកវិនិយោគផ្សារនេះ មិនដែលធ្វើឱ្យពួកគាត់លំបាកនោះទេ ដោយមានការយោគយល់ស្រឡាញ់រាប់ អានគ្នាដូចជាបងប្អូន ។ ផ្ទុយទៅវិញ បែរជាក្រុមហ៊ុនញ៉ូរិចដែលជាម្ចាស់ដី ទាមទារយកមកគ្រប់គ្រងខ្លួនឯង ហើយ បង្កើតឱ្យមានការលក់ដូរជាថ្មី ដោយ មានតម្លៃតូបខ្ពស់ជាងអ្នកគ្រប់គ្រងផ្សារ មុន ។
ពួកគាត់បានសំណូមពរដល់លោក ប៉ា សុជាតិវង្ស អភិបាលនៃគណៈអភិ បាលរាជធានីភ្នំពេញ ជាពិសេសសម្ដេច តេជោ ហ៊ុន សែន មេត្ដាជួយអន្ដរាគមន៍ ឱ្យពួកគាត់បានលក់ដូរបន្ដទៀតដើម្បី ដោះបំណុលគេ ដែលយកលុយទាំងនោះ មកទិញតូបក្នុងការរកស៊ីចិញ្ចឹមជីវភាព ប្រចាំថ្ងៃ ហើយក៏សូមឱ្យក្រុមហ៊ុនបន្ដ ជួលឱ្យលោក អ៊ូ សេដ្ឋានូ គ្រប់គ្រងផ្សារ នេះ៣ឆ្នាំ ឬ៦ឆ្នាំទៅមុខទៀតចាំយកទៅ វិញចុះ ៕
ដោយ៖ អារុណរះ
