យុវជនម្នាក់ត្រូវនគរបាលស្រុកព្រៃនប់ឃាត់ខ្លួនពីបទលួចកាបូប

ចែករំលែក៖

ខេត្តព្រះសីហនុ៖លោកវរសេនីយ៍ទោហួ យ៉ៃ អធិការនគរបាល ស្រុកព្រៃនប់ បានឲ្យដឹងថា ៖ កាលពីវេលាម៉ោង៩:០០ព្រឹក ថ្ងៃទី១១ ខែធ្នូ ឆ្នាំ២០១៨ កន្លងទៅនេះ មានបទល្មើសលួចយកកាបូបលុយរបស់អ្នកលក់ដូរមួយកើតឡើង ក្នុងភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ ដែលម្ចាស់បានទុកនៅក្នុងតូបលក់ដូរ នៅមុខផ្ទះ។

ក្រោយពេលទទួលបានព័ត៌មាននេះភ្លាម សមត្ថកិច្ចនគរបាលស្រុកព្រៃនប់ ដឹកនាំដោយលោកវរសេនីយ៍ទោហួ យ៉ៃ បានធ្វើការស្រាវជ្រាវរកឃើញ និងចាប់ខ្លួនមុខសញ្ញាបានភ្លាម ផងដែរ។

ជនសង្ស័យឈ្មោះ លឹម តៃ ភេទប្រុស អាយុ២០ឆ្នាំ មុខរបរកម្មករសំណង់ មានទីលំនៅ ដូចកន្លែងកើតហេតុ។

ម្ចាស់សម្ភារៈ ឈ្មោះ គុណ អៀ ភេទស្រី អាយុ៥៧ឆ្នាំ មុខរបរលក់ដូរ មានទីលំនៅដូចកន្លែងកើតហេតុ ដែលបានទុកក្នុងតូបមុខផ្ទះ ។

ក្រោយពេលឃាត់ខ្លួន សមត្ថកិច្ចដកហូតបានវត្ថុតាង មាន៖

១.ជញ្ជៀន៤វង់

២.ខ្សែដៃ១ខ្សែ

៣.ក្រវិល១គូ

៤.ត្បូងតូចៗ ៨ គ្រាប់

៥.ប្រាក់១៥០ដុល្លា

៦.ម៉ូតូ១គ្រឿង ជារបស់ជនសង្ស័យ។

ករណីនេះសមត្ថកិច្ចនគរបាលស្រុកព្រៃនប់ បាន កសាងសំណុំរឿងតាមនីតិវិធី បញ្ជូនទៅសាលាដំបូង ដេីម្បីចាត់ការតាមច្បាប់៕ ឆ្លាម សមុទ្រ