សិង្ហបុរី៖ បន្ទាប់ពីកម្មវិធីបើកការ ប្រកួតអាស៊ានប៉ារ៉ាហ្គេមលើកទី៨ជាផ្លូវ ការកាលពីរាត្រីថ្ងៃទី៣ ខែធ្នូ ឆ្នាំ២០១៥ នៅព្រឹកថ្ងៃទី៤ ខែធ្នូ ឆ្នាំ២០១៥ អត្ដ ពលិកមកពី១០ប្រទេសបានចាប់ផ្ដើម ប្រកួតប្រជែងដណ្ដើមយកមេដាយជូន ប្រទេសជាតិរៀងៗខ្លួន ។
យោងតាមគេហទំព័ររបស់អាស៊ាន ប៉ារ៉ាហ្គេមលើកទី៨បានបង្ហាញតារាង ចំណាត់ថ្នាក់មេដាយជាបណ្ដោះអាសន្ន ក្នុងនោះអត្ដពលិកប្រទេសថៃដណ្ដើម បានមេដាយមាសចំនួន៥គ្រឿង, មេដាយ ប្រាក់៥គ្រឿង និងមេដាយសំរឹទ្ធិ៤គ្រឿង, ប្រទេសវៀតណាមរកមេដាយមាសបានចំនួន៤គ្រឿង, មេដាយប្រាក់៤គ្រឿង និង មេដាយសំរឹទ្ធិ៥គ្រឿង, ប្រទេសឥណ្ឌូនេ ស៊ីដណ្ដើមបានមេដាយមាស៤គ្រឿង, មេដាយប្រាក់១គ្រឿង និងមេដាយសំរឹទ្ធិ ៤គ្រឿង ។ ចំណែកឯម្ចាស់ផ្ទះសិង្ហបុរី ដណ្ដើមបានមេដាយមាស៣គ្រឿង, មេដាយប្រាក់៣គ្រឿង និងមេដាយសំរឹទ្ធិ ១គ្រឿង ។ ប្រទេសមីយ៉ាន់ម៉ារកបាន មេដាយមាស២គ្រឿង, មេដាយប្រាក់២ គ្រឿង និងមេដាយសំរឹទ្ធិ៣គ្រឿង ខណៈ ដែលប្រទេសម៉ាឡេស៊ីរកបានមេដាយ មាស១គ្រឿង, មេដាយប្រាក់៤គ្រឿង និងមេដាយសំរឹទ្ធិ២គ្រឿង ។ ដោយឡែក ប្រទេសចំនួន៤ ផ្សេងទៀត ទី១.ប្រ៊ុយណេ ទី២.កម្ពុជា ទី៣ ឡាវ ទី៤.ហ្វីលីពីននៅ មិនទាន់រកមេដាយបាននៅឡើយទេ ។
ប្រភពព័ត៌មានពីមន្ដ្រីគណៈកម្មាធិ ការជាតិប៉ារ៉ាឡាំពិកកម្ពុជាបានបង្ហើបឱ្យដឹង ថា នៅព្រឹកថ្ងៃទី៤ ខែធ្នូ ឆ្នាំ២០១៥ អត្ដពលិកជនពិការកម្ពុជាបានចូលរួម ប្រកួតចំនួន២វីញ្ញាសាហើយ ទី១.វិញ្ញា សាហែលទឹកបុរសបណ្ដាក់៤ដង មាន ដូចជាកីឡាករ ង៉ែត បុរី, អ៊ូ ផល្លា, ឈឹម ទាន់ និង អ៊ូ គង់ ហែលចម្ងាយ១០០ ម៉ែត្រ៤ដង ។ វិញ្ញាសាហែលចម្ងាយ ១០០ម៉ែត្រផ្នែកនារីកីឡាការិនី ហ៊ុន ស្រីណាក់ ។
ប្រភពដដែលបានបញ្ជាក់ថា កីឡា ករអត្ដពលកម្មវិញ្ញាសាជិះរទេះកីឡាករ វ៉ាន វ៉ុន ប្រកួតចម្ងាយ១០០ម៉ែត្រ និង កីឡាករ ឈុន ពុន រត់ល្បឿនចម្ងាយ ៨០០ម៉ែត្រ ប៉ុន្ដែនៅមិនទាន់ទទួលបាន លទ្ធផលនៅឡើយទេ ដោយសារពួកគេ មិនទាន់ផ្ដល់ព័ត៌មានលម្អិតទាក់ទងនឹង ការប្រកួតនេះនៅឡើយទេ* ។
គួររំលឹកថា ការប្រកួតអាស៊ានប៉ារ៉ា ហ្គេមលើកទី៨មានប្រទេសចូលរួម ចំនួន១០ក្នុងតំបន់អាស៊ីអាគ្នេយ៍មាន ដូចជាប្រ៊ុយណេ, កម្ពុជា, ឥណ្ឌូនេស៊ី, ឡាវ, ម៉ា ឡេស៊ី, មីយ៉ាន់ម៉ា, ហ្វីលីពីន, ថៃ, វៀតណាម និងម្ចាស់ផ្ទះសិង្ហបុរី មានវិញ្ញាសាដាក់ឱ្យប្រកួតដណ្ដើមយក មេដាយចំនួន១០ប្រភេទកីឡា ៕
ដោយ៖ សារីម
