ខេត្តកំពង់ឆ្នាំង៖ លោក ងិន ហ៊ុន ប្រធានមន្ទីរកសិកម្មរុក្ខាប្រមាញ់ និងនេសាទ ខេត្តកំពង់ឆ្នាំង ព្រមសហការី បានអញ្ជើញសាកសួរសុខទុក្ខកញ្ញា កើត សាវ៉ាង ប្រធានការិយាល័យកសិកម្ម ស្រុករលាប្អៀរ កំពុងសម្រាក ព្យាបាលជម្ងឺនៅផ្ទះស្ថិត ក្នុងភូមិថ្មី ឃុំជ្រៃបាក់ស្រុករលាប្អៀរ ខេត្តកំពង់ឆ្នាំង។
ក្នុងឱកាសនោះលោក ងិន ហ៊ុន បានពាំនាំនូវប្រសាសន៍ផ្តាំផ្ញើសាកសួរសុខទុក្ខពី លោករដ្ឋមន្រ្តីក្រសួងកសិកម្មរុក្ខាប្រមាញ់ និងនេសាទ លោក ឈួរ ច័ន្ទឌឿន អភិបាលខេត្តកំពង់ឆ្នាំង ដែលកន្លងមកលោកតែងតែគិតគូរពីសុខទុក្ខមន្រ្តី ក្រោមឱវាទគ្រប់រូបមិនដែលបោះបង់ចោលម្តងណាឡើយ។
លោក ងិន ហ៊ុន ក៏បានផ្តាំផ្ញើដល់កញ្ញាកើត សាវ៉ាងខិតខំថែទាំសុខភាព សូមទៅពិគ្រោះជំងឺជាមួយគ្រូពេទ្យ ដើម្បីបន្តការព្យាបាលជំងឺអោយឆាប់បានជា សះស្បើយឡើងវិញ។ លោក ងិន ហ៊ុនប្រធានមន្ទីរ និងសហការីក៏បាននាំយកថវិកា ២.៧៥០.០០០ រៀលជូន កញ្ញា កើត សាវ៉ាង សំរាប់ទិញថ្នាំព្យាបាលជំងឺផងដែរ ៕
ដោយ៖ សហការី
