សារព័ត៌មាន South china Morning Post បានដកស្រង់សម្តីអ្នកឯកទេសយោធា ចិន បានឲ្យដឹងថា ទីក្រុងប៉េកាំង ឡើងគម្រោងបង្កើតកងពលនាវាផ្ទុកយន្តហោះយ៉ាងតិច៦ក្រុមនៅក្នុងឆ្នាំ២០៣៥ ។ ក្នុងចំណោមនាវផ្ទុកយន្តហោះទាំង៤គ្រឿង មាន៤គ្រឿងដើរដោយថាមពលបរមាណូនិង ប្រើប្រាស់ម៉ាស៊ីន បាញ់អគ្គិសនី ដូចនាវាផ្ទុកយន្តហោះរបស់អាមេរិក។
ចំណែកអាមេរិកវិញ មាននាវាផ្ទុកយន្តហោះ១១គ្រឿង កំពុងដំណើរការនៅក្នុងជួរកម្លាំងទាហានជើងទឹក ។ពេលថ្មីៗនេះអាមេរិកបានសម្រេចផលិតនាវាផ្ទុកយន្តហោះបន្ថែមពីរគ្រឿង ទៀត មានតម្លៃ ជាង២៤ពាន់លានដុល្លារ ។
សកម្មភាពបង្កើនកម្លាំងទាហានជើងទឹករបស់ចិន គឺដើម្បីប្រជេង គ្រប់គ្រងមហាសមុទ្រ ដ៏ធំធេង ។ ក្រុមអ្នកឯកទេសបានលើកឡើងថា ចិន អាចនិង បណ្តេញអាមេរិកចេញពីតំបន់សមុទ្រ ប៉ាស៊ីហ្វិក ខាងលិច ក្នុងនោះមានសមុទ្រចិនភាគខាងត្បូង និងសមុទ្រចិនភាគខាងកើត។
បើទោះបី ចិនមិនអាចប្រៀបផ្តឹមជាមួយអាមេរិក ដែលជា«ស្តេចនៃដែនសមុទ្រ»ប៉ន្តែចិន អាចគ្រប់គ្រងការពារផលប្រយោជន៍របស់ចិន នៅលើដែនសមុទ្រយុទ្ធសាស្ត្ររបស់ខ្លួនបាន។ មិនតែប៉ុណ្ណោះចិនអាចបណ្តេញទាហានជើងទឹកអាមេរិក ចេញពីតំបន់សមុទ្រចិនខាងកើតនិងខាងត្បូង ។
ប៉ុន្តែក្រុមអ្នកឯកទេសបានលើកឡើងថា គម្រោង បង្កើនកងពលនាវាផ្ទុកយន្តហោះរបស់ចិនអាចនឹងបង្កើនហានិភ័យ នៃជម្លោះដែនសមុទ្រ ។យោងតាមទីភា្នក់ងារសារព័ត៌មានចិន South China Morning Post បានផ្សាយនៅពេលថ្មីៗនេះថា អ្នកជំនាញយោធាចិនបាន និយាយប្រាប់នៅសប្ដាហ៍នេះថា ទីក្រុងប៉េកាំងចង់ដាក់ពង្រាយ ក្រុមចម្បាំងយន្តហោះឲ្យបានចំនួន ៦ក្រុមលើដែនសមុទ្រ នៅត្រឹមឆ្នាំ២០៣៥ ។
លោក Wang Yunfei ជាមន្ត្រីទ័ពជើងទឹកនាវា ពិឃាតចិនចូលនិវត្តន៍ បានមានប្រសាសន៍ថា “នាវាផ្ទុកយន្តហោះដើរដោយថាមពល នុយក្លេអ៊ែរបស់ប្រទេសចិន ត្រូវបានគេរំពឹងថា នឹងចូលរួមក្នុងទ័ពជើងទឹក នៅឆ្នាំ២០៣៥ ដោយធ្វើឲ្យចំនួននាវាផ្ទុកយន្ត សរុបកើនដល់ចំនួនយ៉ាងតិច៦គ្រឿង ប៉ុន្តែមានតែចំនួន ៤គ្រឿងប៉ុណ្ណោះ នឹងបំពេញការងារនៅជួរមុខ ។
ប្រធានាធិបតីចិន លោកស៊ី ជីងពីង បានស្នើឲ្យមានការប្រឹងប្រែងយកចិត្តទុកដាក់លើការកសាងសមត្ថភាពកងទ័ពកងទ័ពជើងទឹកចិនឲ្យខ្លាំងដល់កម្រិតពិភពលោក និងអាចធានាបាននូវការកសាងឥទ្ធិពលរបស់ចិននៅបរទេសបាន។
ថ្លែងក្នុងពេលបំពេញទស្សនកិច្ចនៅទីស្នាក់ការកណ្តាលកងទ័ពជើងទឹកចិន លោក ស៊ី ជីងពីង បានបញ្ជាក់ថា លោកបានថ្លែងអំណរគុណដល់កងទ័ពជើងទឹកចិនដែលបានប្រឹងប្រែងបំពេញភារកិច្ចកន្លងមក។ ប៉ុន្តែលោកបានស្នើ ឲ្យកងទ័ពជើងទឹកនៃកងទ័ពរំដោះប្រជាជនចិនបន្តពង្រឹងឥទ្ធិពលរបស់ខ្លួនឲ្យខ្លាំងស្ថិតក្នុងលំដាប់ពិភពលោក។ មេដឹកនាំរូបនេះក៏ផ្តល់អនុសាសន៍បន្ថែមថា ដើម្បីសម្រេចគោលដៅ វាត្រូវការការច្នៃប្រឌិតនិងបច្ចេកវិទ្យាខ្ពស់ដែរ។
យោងតាមសារព័ត៌មាន South China Morning Post លោកស៊ី ជីងពីង បានថ្លែងដូច្នេះ៖ «ការកសាងកម្លាំងកងទ័ពជើងទឹកទំនើបនិងខ្លាំងក្លាស្ថិតក្នុងកម្រិតពិភពលោកសំខាន់បំផុតសម្រាប់ចិន។ វាជារឿងសំខាន់ដែលត្រូវផ្លាស់ប្តូរប្រទេសជាតិក្លាយជាមហាអំណាចទ័ពជើងទឹកដ៏អស្ចារ្យ។ប៉ុន្តែ ការច្នៃប្រឌិតជាសោរដ៏សំខាន់សម្រាប់ការអភិវឌ្ឍនិងផ្លាស់ប្តូរកងទ័ពជើងទឹករបស់យើង»។
រយៈពេលប៉ុន្មានឆ្នាំចុងក្រោយ កងទ័ពជើងទឹកចិនប្រឹងប្រែងពង្រឹងសមត្ថភាពរបស់ខ្លួនគួរឲ្យកត់សម្គាល់។ មន្ត្រីយោធាក្មេងត្រូវបានដំឡើងឋានន្តរស័ក្តិដើម្បីកាន់កាប់ការងារធំជាពិសេសបញ្ជាទ័ព ហើយចិនចាប់ផ្តើមប្រើប្រាស់នាវាដឹកយន្តហោះទីមួយរបស់ខ្លួនក្នុងប្រតិបត្តិការសំខាន់ៗក្នុងតំបន់ និងការបន្តកម្មវិធីសាងសង់នាវាដឹកយន្តហោះក្នុងស្រុកទីមួយថែមទៀត។
តាមពិតទៅមហាយក្សចិន ប្រឹងប្រែងរត់ឲ្យលឿន ដើម្បីតាមឲ្យបានកៀកជិតអំណាចយោធាអាមេរិក។ នេះក៏ដោយសារចិនបារម្ភពីការបង្កើនថវិកាសម្រាប់វិស័យយោធា ក៏ដូចជាគោលជំហរមិនច្បាស់លាស់របស់ក្រុងវ៉ាស៊ីនតោនក្រោមការដឹកនាំរបស់ប្រធានាធិបតី ដូណាល់ ត្រាំ ពាក់ព័ន្ធបញ្ហាសមុទ្រចិនខាងត្បូងនិងបញ្ហាតៃវ៉ាន់ជាដើមដែរ។
ចិនបន្តបង្កើនថវិកាច្រើនដែរសម្រាប់បង្កើនសមត្ថភាពយោធារបស់ខ្លួនឲ្យខ្លាំងឲ្យស័ក្តិសមជាមហាអំណាចពិភពលោក។ រដ្ឋាភិបាលចិនបានបញ្ជាក់ថា ថវិកាការពារជាតិឆ្នាំនេះត្រូវបានដំឡើងដល់ ៧ភាគរយដែលវាឡើងដល់ ១,០៤៤ ទ្រីលានយ័ន ស្មើ ១៥១, ៦ ពាន់លានដុល្លារអាមេរិក។ ប៉ុន្តែទំហំថវិកានេះស្មើត្រឹមមួយភាគបួននៃថវិកាដែលប្រើប្រាស់ក្នុងវិស័យការពារអាមេរិកប៉ុណ្ណោះ។
បច្ចុប្បន្នចិន គឺជាមហាអំណាសេដ្ឋកិច្ច និងយោធា លំដាប់ទីពីរនៅលើពិភពលោក បើទោះបីមិនមិនមានអាវុធទំនើបៗដូចរុស្ស៊ី ក្តី ។ រុស្ស៊ីបានបង្កើនវិស័យផលិតអាវុធការពារជាតិ ក្នុងនោះមានមីស៊ីលទំនើមជាដើម ដោយរុស្ស៊ីមានទឹកដីធំធេង ចំណែកដែនសមុទ្រ មានតិចជាងចិន ។
ចំណែកចិនវិញ បានបង្កើនសម្ថភាព កម្លាំងទាហានជើងទឹក ប្រជេងជាមួយអាមេរិក ។ទាំងនោះហើយបានជាអ្នកឯកទេសវិភាគបានលើកឡើងថា ប្រសិនបើចិននិងរុស្ស៊ីរួមដៃគ្នានោះ អាមេរិក មិនអាចរក្សាមហាអំនាចរបស់ខ្លួនបានយូរអង្វែងនោះឡើយ៕