បច្ចុប្បន្ន កងទ័ពអាវកាសមានសារសំខាន់យ៉ាងខ្លាំងសម្រាប់ប្រទេសមហាអំណាចលើពិភពលោក នៅពេលនេះអាមេរិកបានសម្រេចជាផ្លូវការបង្កើតកងទ័ពអាវកាស ជាលើកដំបូង ។ សកម្មភាពាខាងលើ គឺដើម្បីបំពេញទៅតាមគោលនយោបាយ អាមេរិកជាដំបូង របស់ប្រធានាធិបតីដូណាលត្រាំ ។
កាលពីថ្ងៃទី១៩ខែកុម្ភៈកន្លងមក ប្រធានាធិបតីអាមេរិក ដូណាលត្រាំបានចុះហត្ថលេខាលើច្បាប់ឲ្យបង្កើតកងទ័ព អវកាសជាលើកដំបូង ។ លោកដូណាល់ ត្រាំ ប្រធានាធិបតីអាមេរិក បានចុះហត្ថលេខាលើ «ទិសដៅនយោបាយអវកាសទី៤» ដើម្បីបង្កើតកងកម្លាំងអវកាសអាមេរិក ធ្វើប្រតិបត្តិការ ប្រៀបដូចទៅនឹង កងកម្លាំងជើងទឹក អីចឹងដែរ។
ការចុះហត្ថលេខាអនុវត្តគោលនយោបាយនេះ លោក ដូណាល់ ត្រាំ ធ្វើឡើងនៅវិមាន Oval ។ លោកបានថ្លែងថា កងទ័ពអវកាស គឺជាអាទិភាពសន្តិសុខជាតិ របស់អាមេរិក ។
កងទ័ពអវកាសនេះ មានតួនាទីស្ថិតនៅផ្នែកមួយរបស់ក្រសួងការពារជាតិអាមេរិក ។ ភារកិច្ច គឺទប់ស្កាត់ និងឆ្លើយតបការគំរាមកំហែងទាំងឡាយតាមដែនអាកាស ។ កម្លាំងអវកាសនេះ បំពាក់ដោយអាវុធផងដែរ សម្រាប់ប្រយុទ្ធ និងជំនួយប្រយុទ្ធ ក្នុងប្រតិបត្តិការលើដែនអវកាស ប្រឆាំងជាមួយសត្រូវ។
ការបង្កើតកងកម្លាំងអវកាសនេះ តម្រូវឲ្យមានការអនុម័ត យល់ព្រម ពីសភា អាមេរិក ផងដែរ ។ រដ្ឋមន្ត្រីស្តីទីក្រសួងការពារជាតិអាមេរិក Shanahan បញ្ជាក់ថា ថវិកាដំបូងសម្រាប់បង្កើតកងកម្លាំងអវកាសនេះ អាចមានប្រហែល៥ពាន់លានដុល្លារ៕
